黑門水產すいさん (棉登徑)

Open Now

Now Closed

好耐冇得去日本住，但又好掛住日本啲居酒屋，行街黎開尖沙咀見呢間餐廳裝修好有日本風格，就黎左呢到食。黑門令蟹味噌甲羅燒店員會幫手燒，仲好細心提點過蟹蓋會好熱，個蟹膏味超濃超香，成個口腔都係個蟹味。😍😍黑門三文魚加州反卷本身佢個飯已經做左調味，加埋包住的牛油果，美乃滋醬，仲有大大粒魚籽，新鮮美味的三文魚，好有口感好鮮味，呢個好推介。燒雞皮燒到少少脆口，雞皮仲帶有啲油脂感，邪惡得黎又好正。蒜香燒黑豚腩串好香的蒜味，黑豚腩肥瘦比例剛好。什錦天婦羅有蝦，茄子，番薯，南瓜，青椒，冬菇，個茄子好好食，入面切開咗，然之後再調味過。壽喜牛肉鍋牛肉有四大片，牛肉味好濃，個湯底味道適中，唔會死咸，配菜都好多，日本粉絲夠多又彈牙。呢度食飯人均都係大概$200，以為自己去左日本咁。