Daap

Open Now

Now Closed

約左朋友係中環食lunch, 行過後巷見到呢間西餐廳門口相當精緻，於是就走入黎試菜。佢哋既午餐set 都相當豐富下，有appetiser 同 main dish , 加$25還有一杯飲品，我同朋友都試左一整個 full set。佢地用一個好大好靚既碗盛載啲蟲草花忌廉湯，蟲草花用火背乾，做出好脆的效果。好靚，而且湯好濃忌廉味，配蟲草花好飲又好食😋來到main course，澳洲慢煮牛里脊肉，因為慢煮，所以炆得好淋，肉汁亦鎖住喺肉度，好幸福既感覺。配上松露汁，肉有嫩既口感，亦有濃郁既菌香。由於坐bar枱，望住廚師好有心思把主菜上碟，值得為主菜拍多幾張相。佢哋既Latte 拉花好靚，好creamy, 咖啡味幾香，中上既水準，值回票價。中環食飯貴，係無容置疑。呢個set 一啲都唔平，但食到好精緻既西餐，碟碟菜都美輪美奐，見到廚師既功力和心機，真係好似置身法國餐廳食 fine dining。做野咁辛苦，都算值得既。