霸嗎拉麵 (德己立街)

Open Now

Now Closed

最近上網見到有一間好吸引嘅拉麵店，鍾意食拉麵嘅我就當然叫埋朋友一齊食啦。呢間位於中環嘅霸嗎拉麵之前都有食過㗎啦，不過今次就見到佢有期間限定嘅拉麵，所以就決定試吓。講返餐廳個環境先，餐廳個空間都幾足夠。無論係自己一個食定係同朋友一齊食都會有足夠嘅空間享受拉麵，之後就講吓拉麵啦。首先想介紹嘅拉麵係期間限定嘅松葉蟹肉蟹膏軟殼蟹拉麵🍜，想講我真係好滿意呢個拉麵，唔單止賣相夠靚，成隻完整嘅軟殼蟹放喺拉麵上面，蟹膏食落都好鮮甜，蟹肉嘅顏色都好靚。個湯底充滿着蟹嘅精華，鍾意食蟹嘅我覺得真係冇得輸。至於我朋友就叫咗個辛辣炙燒豚肉味玉子拉麵，炙燒豚肉夠晒大塊，仲要炙燒過後嘅顏色好靚，咬落軟嫩多汁。再加埋有少少辛辣湯底嘅味道，令到成碗拉麵更加開胃。絕對係一間好有水準嘅拉麵店，誠意推介大家嚟試吓啦。