峇里堂

睇完Mill Milk 介紹就想食，懷疑會多人，所以揀平日夜晚黎。無得book 位。7點3黎到。一出𨋢成個門口都係人。原來因為出餐，俾錢同等位都係同一個位，塞住曬。攞完飛去附近行咗陣，大約7點9就有位。嘢食都預佢出得慢，因為始終真係好多人。睇到啲侍應其實都好慘，尤其間餐廳係長型，真係行到pk. 不過態度都幾好。巴東牛肉好味，好少辣，幾香，牛都淋同都成8大舊。印度炒飯都炒得唔錯，咁多人都砌碟砌得咁靚都算係咁。個人以前響西環食過貴價印尼炒飯，覺得呢個啲香料唔夠，無咁惹味，感覺家庭式啲，淡啲。雞沙嗲串啲肉好滑，個醬好香。羊就比較蘇但我愛。食完聽到前台話8點半已經截單，因為實在太多人，真係做唔切。這就是youtube 的力量。埋單每人160. 算抵食啦. 會返黎至少試個珍多冰，但都係等你無咁多人先。