古今二 (荃新天地)

Open Now

Now Closed

今日去荃灣西shopping，同爹D去返之前我哋成日幫襯嘅日式壽司卷物店。食咗咁多次依然覺得很不錯。龍卷風沙律$76呢個沙律次次嚟都一定會點來食，沙律菜加上中華沙律及大量蟹柳及蟹籽，撈埋啲美奶滋醬同埋薯片碎一齊食口感爽脆豐富。金龍卷$98飯卷入邊係炸蝦及香滑芝士，上面鋪滿肥美三文魚，再灑滿了薯片碎，一啖放入口，口感豐富。蜘蛛$96呢個壽司卷入邊係炸軟殼蟹、牛油果、蟹柳同埋青瓜絲，啲蟹爪撐晒出嚟，真係好似一隻蜘蛛咁，軟殼蟹炸得香脆，咬落去好甘香。清酒煮蜆$128啲蜆大大隻，全部都冇沙，好鮮甜，飲啖湯汁，清酒帶出了蜆肉嘅鮮味，好好飲。