Video
Read full review
2021-04-19
974 views
大圍之友對依間潮洲打冷應該都唔陌生，之前因為疫情停業左一段時間，最近重開就約埋朋友一齊去！好耐冇食，食物質素依然無變，都係咁好食，又大大碟 1. 嗌左佢好出名既黃油烏頭，平時唔鍾意食魚既我都覺得佢既烏頭好好味，肉質又香又滑（最怕食到鞋烚烚既魚肉） 2. 千島醬咕嚕蝦球啲蝦又大粒又彈牙，咕嚕夠酸 3. 鵝片入味又夠淋，每片都大大片，厚薄適中，唔肥 4. 蒜香通菜好爽口，咬落去索索聲，調味剛好，係望落油左少少🤏🏻 5. 潮洲蠔仔粥好大兜，蠔仔新鮮，入面有魚乾好香好咬口，好潮洲風味，like! 當晚係weekend，好爆場，好彩預早啲去攞位，坐低半個鐘就坐滿人，真係好受街坊歡迎。不過可能因為岩岩重開加上多客，上菜速度慢左啲，不過都可接受。 Menu上好多野都好想嗌，最衰限4人一枱，嗌唔到咁多野，遲啲放寬返人數再嗌多啲朋友一齊去，佢啲滷味、豬紅、蠔餅以前食過都好好味，仲有海鮮都好新鮮，一定會再幫襯！
1. 嗌左佢好出名既黃油烏頭，平時唔鍾意食魚既我都覺得佢既烏頭好好味，肉質又香又滑（最怕食到鞋烚烚既魚肉）
2. 千島醬咕嚕蝦球啲蝦又大粒又彈牙，咕嚕夠酸
3. 鵝片入味又夠淋，每片都大大片，厚薄適中，唔肥
4. 蒜香通菜好爽口，咬落去索索聲，調味剛好，係望落油左少少🤏🏻
5. 潮洲蠔仔粥好大兜，蠔仔新鮮，入面有魚乾好香好咬口，好潮洲風味，like!
當晚係weekend，好爆場，好彩預早啲去攞位，坐低半個鐘就坐滿人，真係好受街坊歡迎。不過可能因為岩岩重開加上多客，上菜速度慢左啲，不過都可接受。
Menu上好多野都好想嗌，最衰限4人一枱，嗌唔到咁多野，遲啲放寬返人數再嗌多啲朋友一齊去，佢啲滷味、豬紅、蠔餅以前食過都好好味，仲有海鮮都好新鮮，一定會再幫襯！
黃油烏頭
111 views
0 likes
0 comments
鵝片
74 views
0 likes
0 comments
千島醬咕嚕蝦球
43 views
0 likes
0 comments
蒜香通菜
43 views
0 likes
0 comments
Post
