麻辣年華 (楊屋道)

Open Now

Now Closed

本來只係想食個午餐，要個烤茄子（有人推介）嘅，但見午市烤魚做緊優惠，係江團魚，價錢由298蚊減至198蚊，咁就改變咗主意。見嗌餐又可以有涼拌三寶的優惠，好似好抵咁，又跟住嗌咗，佢哋係蓮藕，雞腳及菜埔，仲有優惠嘅係錫紙金針菇和小蘇肉，唔好執輸嗌埋，再加埋原來想叫嘅烤茄子，已經唔少嘢喇。烤魚好大份，除咗魚之外的配菜有紅椒，綠色椒，紫色洋葱，一串串的“麻”椒，仲有蓮藕，金針菇，好滑的魚豆腐，上枱前魚已差不多熟，因此上枱後滚一滚就可撈出，以免過熟，而作為客人嘅我哋就可品嚐到魚嘅鮮味及嫩滑的口感。“至尊水果茶”係鋪頭大力宣傳的，用咗成個版面，果然係大大杯，仲勁有料，蘋果片，藍莓，柚子，檸檬，青檸還有百香果，配埋烤魚係very good。另外“金桔青檸蘇打”亦係唔錯的選擇。