Video
Read full review
2020-04-24
224 views
今日友人載 P san 同我一齊黎到大角咀搵食, 本來想食另一間, 但因為疫情關係, 嗰間餐廳只做外賣, 所以轉咗嚟喱間試吓。喺餐廳門口拎飛仔, 等咗大約 15 分鐘就有位, 入去之前, 店員用探熱器幫我地量體溫, 再為我地帶位。 餐廳用屏風隔開每張枱, 枱與枱之間距離亦很寬闊, 坐得一啲都唔迫夾。坐低咗, 我同 P san 每人點咗一個晚餐, 一個馬拉肉骨茶套餐, 一個滿堂椰漿飯拼盤, 一杯紅豆冰同一杯三色奶茶, 我哋仲同友人點咗 8 串串燒同一個咖央多士 share 食。首先嚟嘅係 P san 點嘅三色奶茶, 最頂層係奶茶, 第二層白色係淡奶, 最底嗰層係椰糖, 飲落茶味濃, 可能因為用椰糖關係, 有一種同另外一啲餐廳唔同嘅味道同風味。跟住就到咖央多士, 咖央好香椰香同有少少蛋味, 唔甜, 仲新鮮整起, 熱辣辣, 唔算烘得好脆, 但佢配埋每塊都有一小塊鮮牛油, 更香更好味。到 P san 點嘅滿堂椰漿飯拼盤, 拼盤包括香茅雞肉, 咖哩牛腩同埋燒豬頸肉, 有小小失望嘅係因為無椰漿飯, 所以轉咗油飯。香茅雞肉係炸嘅, 炸得非常香口, 亦有好香香茅味, 雞肉 juicy 又入味; 咖哩
喺餐廳門口拎飛仔, 等咗大約 15 分鐘就有位, 入去之前, 店員用探熱器幫我地量體溫, 再為我地帶位。 餐廳用屏風隔開每張枱, 枱與枱之間距離亦很寬闊, 坐得一啲都唔迫夾。
坐低咗, 我同 P san 每人點咗一個晚餐, 一個馬拉肉骨茶套餐, 一個滿堂椰漿飯拼盤, 一杯紅豆冰同一杯三色奶茶, 我哋仲同友人點咗 8 串串燒同一個咖央多士 share 食。
首先嚟嘅係 P san 點嘅三色奶茶, 最頂層係奶茶, 第二層白色係淡奶, 最底嗰層係椰糖, 飲落茶味濃, 可能因為用椰糖關係, 有一種同另外一啲餐廳唔同嘅味道同風味。
三色奶茶
2 views
0 likes
0 comments
跟住就到咖央多士, 咖央好香椰香同有少少蛋味, 唔甜, 仲新鮮整起, 熱辣辣, 唔算烘得好脆, 但佢配埋每塊都有一小塊鮮牛油, 更香更好味。
咖央多士
4 views
0 likes
0 comments
到 P san 點嘅滿堂椰漿飯拼盤, 拼盤包括香茅雞肉, 咖哩牛腩同埋燒豬頸肉, 有小小失望嘅係因為無椰漿飯, 所以轉咗油飯。香茅雞肉係炸嘅, 炸得非常香口, 亦有好香香茅味, 雞肉 juicy 又入味; 咖哩牛腩啲咖哩汁亦好香, 有少許香料味, 但無冚咗咖哩同牛腩嘅味, 配合得唔錯; 燒豬頸肉方面比起前兩款遜色少少, 味道是不錯, 帶有少少香茅味, 但燒得有一點乾; 最後, 個油飯好香, 唔太油。因為全部都係肉, 所以食完會好飽。
滿堂椰漿飯拼盤
14 views
0 likes
0 comments
再嚟就係紅豆冰, 喱個比較普通, 同一般茶餐廳差不多, 紅豆軟腍起沙, 亦唔太甜, 但佢個杯嘅形狀幾得意。
紅豆冰
6 views
0 likes
0 comments
跟住就到我點亦都期待已久嘅肉骨茶。 我比較鐘意食藥材味 (馬來西亞) 多過胡椒味 (新加坡) 嘅肉骨茶, 喱個肉骨茶無令我失望, 有好重嘅藥材味, 好香, 料亦都多, 但佢啲肉就肥咗啲, 可能因為肥, 所以唔覺得佢煲完湯嘅肉會韌, 佢配埋個菜芯, 就算啲肉肥都令成個餐味道同油膩度更平衡。
馬拉肉骨茶飯套餐
5 views
0 likes
0 comments
最後, 係 share 食嘅雞、羊串燒 8 串, 羊有羊味, 但無羶味; 雞就不過不失; 最好味係個沙嗲醬, 甜甜地又有花生喺入面, 好野味。
8 串串燒 (雞、羊)
9 views
0 likes
0 comments
總結, 今次嘅馬來西亞新加坡南洋菜都算唔錯, 最欣賞係肉骨茶, 不過喱個係我嘅偏愛嚟嘅。 另外, 店家喺每張枱都用一個透明有蓋膠筒裝住匙羹, 而筷子亦有一個盒裝住, 需要時先自己攞, 喺喱個疫情期間, 注重衛生, 令人放心用餐。
Post
