Video
Read full review
2022-11-29
67 views
打卡人氣餐廳--方叔叔重慶老火鍋☺️食開麻辣火鍋嘅朋友一定唔陌生，不過我就第一次食，回味無窮。我哋揀咗鴛鴦鍋，驚菜類嘅嘢太辣，所以都係要個清啲嘅湯比較好。麻辣鍋當然勁香啦用咗上等嘅牛油整，另外就揀咗豬骨湯，入邊有個大大嘅豬骨可以食仲有粟米添。食物選擇都好多，海鮮類我哋揀咗白鱔片、珊瑚蚌、竹笙蝦滑。我就好鍾意食白線嘅，只要新鮮就覺得好好味，好滿足。而珊瑚蚌就只需要30秒就得啦，竹笙蝦滑都好特別，尤其係竹笙，吸晒啲湯好好味。肉類我哋揀咗嫩牛肉同埋羊肉片，嫩牛肉真係一定要試，勁嫩滑，就算烚耐咗少少都唔影響口感，非常好味。而小酥肉都好特別，可以直接食，亦都可以浸一浸先食，味道唔錯。另外仲要咗半份四寶丸，每樣各一粒，最有驚喜係貢菜豬肉丸，好好味。最後當然要食啲菜類嘅嘢啦，佢嘅選擇都非常多，而且可以叫半份，人少都可以食好多種類。當中一定要試嘅係貢菜，睇落好乾嘅菜，烚完之後竟然變得非常爽口，勁好味。仲有現炸豆皮嘅口感都好特別，煙煙韌韌，煮耐啲就會似炸腐竹。另外生菜、油麥菜、萵筍、平菇都好新鮮。仲有嘢飲都想介紹，勁大杯，我揀咗有酒精嘅百香果雞尾酒，飲得出有用新鮮嘅百香果，口感好好，好鍾意。而朋友就試咗杯
我哋揀咗鴛鴦鍋，驚菜類嘅嘢太辣，所以都係要個清啲嘅湯比較好。麻辣鍋當然勁香啦用咗上等嘅牛油整，另外就揀咗豬骨湯，入邊有個大大嘅豬骨可以食仲有粟米添。
食物選擇都好多，海鮮類我哋揀咗白鱔片、珊瑚蚌、竹笙蝦滑。我就好鍾意食白線嘅，只要新鮮就覺得好好味，好滿足。而珊瑚蚌就只需要30秒就得啦，竹笙蝦滑都好特別，尤其係竹笙，吸晒啲湯好好味。
肉類我哋揀咗嫩牛肉同埋羊肉片，嫩牛肉真係一定要試，勁嫩滑，就算烚耐咗少少都唔影響口感，非常好味。而小酥肉都好特別，可以直接食，亦都可以浸一浸先食，味道唔錯。另外仲要咗半份四寶丸，每樣各一粒，最有驚喜係貢菜豬肉丸，好好味。
最後當然要食啲菜類嘅嘢啦，佢嘅選擇都非常多，而且可以叫半份，人少都可以食好多種類。當中一定要試嘅係貢菜，睇落好乾嘅菜，烚完之後竟然變得非常爽口，勁好味。仲有現炸豆皮嘅口感都好特別，煙煙韌韌，煮耐啲就會似炸腐竹。另外生菜、油麥菜、萵筍、平菇都好新鮮。
仲有嘢飲都想介紹，勁大杯，我揀咗有酒精嘅百香果雞尾酒，飲得出有用新鮮嘅百香果，口感好好，好鍾意。而朋友就試咗杯洛神花鮮橙特飲，甜度適中，都好好飲。下次都會再約鍾意食麻辣火鍋嘅朋友去，尤其係中環店，新開環境好好服務都好好，非常滿意。
Post
