Video
Read full review
2022-09-27
30 views
嚟介紹特色糖水喇✨！唔知大家平時食嘢會唔會都鍾意反其道而行🤣，意思即係喺夏天打邊爐🥵又或者喺冬天食雪糕咁🥶。今次我就決定喺一間位於旺角嘅糖水舖試吓佢熱嘅糖水🤭，喺網上留意到原來呢間餐廳嘅糖水係每日新鮮製造㗎🤩，所以個性價比都算幾高！想知我嗰日食咗咩糖水嘅，就要繼續睇落去啦～食物方面☝🏻#紫薯芋茸西米露（$31）首先要介紹嘅第一款糖水就係紫薯芋茸西米露💜，我平時食西米露其實多數都會凍食。估唔到今次熱食個體驗都幾好😚，西米露嘅份量夠晒多，同埋入邊都有紫薯蓉提升個口感😍。我覺得熱食同洞悉最大分別就係呢碗西米露嘅濃稠度，如果熱食嘅話食起上嚟個口感冇咁似水狀😋。我自己個人就鍾意呢個口感多啲啦。#桑寄生蓮子蛋茶（$34）至於第二樣我要介紹嘅糖水就係桑寄生蓮子蛋茶☺️，我叫呢碗糖水嘅原因當然就係因為佢夠養生啦🤣。相信大家都知道其實桑寄生本身都有好多功效，例如可以補肝腎、強筋骨、治失眠等。就咁睇就應該得呢碗糖水好健康😌。為咗令佢更加健康，我額外再加多左隻蛋喺入邊㗎，補充蛋白質一流🥚。我覺得呢碗糖水其實都幾足料，入邊都見到有真材實料嘅桑寄生同埋蓮子👍。如果大家都想養生嘅話，真係可以考慮吓啦🫶🏻。#薑汁燉蛋
唔知大家平時食嘢會唔會都鍾意反其道而行🤣，意思即係喺夏天打邊爐🥵又或者喺冬天食雪糕咁🥶。今次我就決定喺一間位於旺角嘅糖水舖試吓佢熱嘅糖水🤭，喺網上留意到原來呢間餐廳嘅糖水係每日新鮮製造㗎🤩，所以個性價比都算幾高！想知我嗰日食咗咩糖水嘅，就要繼續睇落去啦～
食物方面☝🏻
#紫薯芋茸西米露（$31）
首先要介紹嘅第一款糖水就係紫薯芋茸西米露💜，我平時食西米露其實多數都會凍食。估唔到今次熱食個體驗都幾好😚，西米露嘅份量夠晒多，同埋入邊都有紫薯蓉提升個口感😍。我覺得熱食同洞悉最大分別就係呢碗西米露嘅濃稠度，如果熱食嘅話食起上嚟個口感冇咁似水狀😋。我自己個人就鍾意呢個口感多啲啦。
#桑寄生蓮子蛋茶（$34）
至於第二樣我要介紹嘅糖水就係桑寄生蓮子蛋茶☺️，我叫呢碗糖水嘅原因當然就係因為佢夠養生啦🤣。相信大家都知道其實桑寄生本身都有好多功效，例如可以補肝腎、強筋骨、治失眠等。就咁睇就應該得呢碗糖水好健康😌。為咗令佢更加健康，我額外再加多左隻蛋喺入邊㗎，補充蛋白質一流🥚。我覺得呢碗糖水其實都幾足料，入邊都見到有真材實料嘅桑寄生同埋蓮子👍。如果大家都想養生嘅話，真係可以考慮吓啦🫶🏻。
#薑汁燉蛋（$32）
最後要介紹嘅糖水就係薑汁燉蛋啦👾。逢係燉蛋，我都強烈推介大家食熱嘅😎。我覺得熱食嘅燉蛋先會食得出佢嘅香味。呢碗燉蛋其實我都幾滿意㗎，一嚟佢燉得夠滑👍，二來佢個薑汁味都好濃，同燉蛋嘅味道都好夾🙌🏻。另外佢個燉蛋𢳂起都唔容易散🤤，所以成個體驗都幾好。
評分以🌕表示（滿分為5）
賣相：🌕🌕🌕🌕🌑
味道：🌕🌕🌕🌕🌑
Post
