鬼金棒

Open Now

Now Closed

🍽鬼金棒 ​尖沙咀金馬倫道20號地舖​​🐽鬼金棒出名辣麻味噌拉麵🍜，秘製味噌係由日本直送香港，除咗正常嘅小辣、中辣、大辣揀之外，仲可以加錢轉成鬼增辣👹，食到辣嘅你可以嚟挑戰下🌶除此之外，呢度仲有荽友至愛嘅芫荽拉麵，下次一定要試下👅​⁣⁣​玉米荀辣麻味噌拉麵加味玉 $115（🧡🧡🧡🧡）​​由於小編唔係好食得辣，所以呢碗拉麵就叫咗小麻同小辣，食落得好少辣味，麻味就唔太感覺到，大家可以勇敢試下中辣同中麻🤣玉米荀燒得好香口，份量都有10條左右，湯底比較濃味，食玉米筍會覺得fresh啲。面嘅質地亦都有嚼勁，幾好食。厚叉燒雖然唔大舊，但肉質軟嫰入味，亦都比較肥美，所以細細舊都滿足。​​ 增量叉燒x2 辣麻味噌拉麵 $135（🧡🧡🧡🧡）​​增量叉燒嘅份量係有約4舊原本的叉燒，啱哂食肉獸們🐽湯底叫左中麻小辣，食落比小麻小辣香。​​炒豆芽菜 $30 （🧡🧡🧡🧡)​原本拉麵已經有豆芽菜，但係豆芽菜真係煮得太好食啦，忍唔住叫咗一碗。原本預計只係細細一小碟，點知係要超超大碗啊！芽菜炒得好香好爽口，放落湯入面一齊食超好食。​​（5分滿分，🤍=0.5分）⁣⁣​環境 ：🧡🧡🧡🧡​價錢：🧡🧡🧡🤍​味道：🧡🧡🧡⁣⁣🧡​