Video
Read full review
2010-04-07
6 views
出來做野之後, 好耐都無見成班舊同學, 一行7人, 好想搵一D舒服又坐得耐D既地方食晚飯, 我舊老死話睇廣告, 知道開左間<南燒北鍋>做火鍋, 我地就即管去試下, 約咗大約7pm到. 哈哈, 我地一早BOOK 定, 仲問定有無限時走 (最憎D火鍋店要限時食限時走, 趕頭趕命~~), 呢間就好好, 無限時…去到發現原來佢地分上下兩層, 好光猛好整潔, 個reception 都好有禮貌, 我地好快俾安排坐下一張大枱在二樓, 仲係包廂以玻璃門分隔, 十分滿意啦~~ 佢地有個大餐牌, 亦都有ORDER紙, 都好一目了然, D食物種類當然無任食果D咁多, 但勝在夠精, 同埋有好多圖參考. <醬料>醬料拼盤– 有好多生蒜、炸蒜、紅椒及香葱.我中意是油+生蒜炸蒜, 是我的好沾醬.Order 咗刺身拼盤(細), $68, ok抵, 有三文魚刺身, 甜吓, 八X魚.三文魚刺身顏色好靚,又冇筋,啖啖肉; 甜吓好甜有口感, 可惜得4隻, 一人分唔到一隻…<食物~推介>ORDER咗1個湯底1)極品牛皇鍋: 好多牛牛料, D料好新鮮, D湯好甜肥牛 – 好有牛
哈哈, 我地一早BOOK 定, 仲問定有無限時走 (最憎D火鍋店要限時食限時走, 趕頭趕命~~), 呢間就好好, 無限時…
去到發現原來佢地分上下兩層, 好光猛好整潔, 個reception 都好有禮貌, 我地好快俾安排坐下一張大枱在二樓, 仲係包廂以玻璃門分隔, 十分滿意啦~~
佢地有個大餐牌, 亦都有ORDER紙, 都好一目了然, D食物種類當然無任食果D咁多, 但勝在夠精, 同埋有好多圖參考.
<醬料>
醬料拼盤– 有好多生蒜、炸蒜、紅椒及香葱.
我中意是油+生蒜炸蒜, 是我的好沾醬.
Order 咗刺身拼盤(細), $68, ok抵, 有三文魚刺身, 甜吓, 八X魚.
三文魚刺身顏色好靚,又冇筋,啖啖肉; 甜吓好甜有口感, 可惜得4隻, 一人分唔到一隻…
<食物~推介>
ORDER咗1個湯底
1)極品牛皇鍋: 好多牛牛料, D料好新鮮, D湯好甜
肥牛 – 好有牛味又薄薄地咁, 少肥不韌, 入口即溶好有口感. 對於我地呢D牛痴簡直係恩賜!!!
鱔片- 我本身唔中意食鱔, D friend OK 中意, 咁我試咗一件, 想不到一D腥味都無, D肉好彈好有質感, 油脂甘香無小刺, 我共食咗三件!!
鵝腸 – 份量岩岩好, 一食就知新鮮唔太肥, 好爽, 我一食就叫了一聲 “嘩!”
炸魚皮 – 好穩陣, 但係唔會成口油, 我朋友話非即叫即炸的魚皮先會成口油.
韮菜餃- 好多韮菜少肥肉, D皮好薄但又唔會煮兩煮即刻欄, 安歌之作
冰豆腐– 蜂巢組織吸滿湯香味，綿軟入味，好好吃～
稻庭烏冬($28 1個) - 烏冬質感滑滑的、口感好好，比起普通的烏冬來得好味, 我雖然好飽, 但仍然不停咁食…!!
菜類都係果D啦, 我地叫咗唐生菜, 娃娃菜, 西洋菜, OK 啦, 個裝菜既盆就真係好靚!!
Drink – 叫咗一渣酸梅湯, 同埋一渣"捉"庶茅根, 佢用個好特別既容器盛裝, 令D冰同DRINK 隔開, D野飲就可以凍之餘, 又唔僧愈飲愈淡!
<甜品>
送上的缽仔糕, size 好mini好得意~
<服務>
特別想提及的是她們的服務態度，我第一次見到有侍應會幫忙替客人把火鍋內湯底所冒出來的多餘沉澱物用篩隔走，D侍應好主動提供服務, 那種不斷替人客添水和招呼的精神令我留下深刻的印象。
眼見其他客人都係斯文上班族, 感覺良好. 唔會好躁吵, 又唔會有趕頭趕命既感覺…! 埋單每人約HKD150，吃得非常之飽，D新鮮好味既野食已經令我們個個人都覺得值回票價！一定會同其他朋友再來!
Post
