Video
Read full review
2023-12-17
35 views
本身唔係特別喜好西餐，連西班牙都未去過，但有朋友極力推介呢間上環隱世小店，係一間西班牙餐廳。如果要文字形容呢一餐，又好難去形容好好食個種程度，或者可以用一套1996年周星馳主演的一套電影『食神』，電影最後家燕姐品嘗周星馳的叉燒飯，講出『好好味』正正就係我對於今餐食完呢間隱世西班牙餐廳的評價。一個Lunch Set連埋加一大約二百中，有四道菜，有餐包、頭盤、主菜同甜品，但個個『好好味』，絕對係物超所值。雖然我食得唔多西餐，但呢一餐絕對係迄今爲止最好味西餐。一開始送上餐包，餐包好鬆脆，有小小好似食薯片脆口感，橄小小欖油香頭盤：Body Squid Andalusian Style、Butter Lettuce Salad with Iberian Pork Belly & Smoke cheese Dressing頭盤開始顛覆左我西餐好味的定義， BB魷魚炸得好香口，食落好彈牙，但其實兩盤沙律係我眼中先係個焦點所在，兩盤沙律都唔係平時食開用千島或胡麻沙律汁，完全將我對食沙律重新定義，尤其係灑滿好似拉左絲、燻香芝士碎芝士，將個沙律菜提升到另一個高度，同層次。一路食，就係家燕姐好好味個畫面。主
一個Lunch Set連埋加一大約二百中，有四道菜，有餐包、頭盤、主菜同甜品，但個個『好好味』，絕對係物超所值。雖然我食得唔多西餐，但呢一餐絕對係迄今爲止最好味西餐。
一開始送上餐包，餐包好鬆脆，有小小好似食薯片脆口感，橄小小欖油香
頭盤：Body Squid Andalusian Style、Butter Lettuce Salad with Iberian Pork Belly & Smoke cheese Dressing
頭盤開始顛覆左我西餐好味的定義， BB魷魚炸得好香口，食落好彈牙，但其實兩盤沙律係我眼中先係個焦點所在，兩盤沙律都唔係平時食開用千島或胡麻沙律汁，完全將我對食沙律重新定義，尤其係灑滿好似拉左絲、燻香芝士碎芝士，將個沙律菜提升到另一個高度，同層次。一路食，就係家燕姐好好味個畫面。
主菜：Spanish Lamb Spareribs with Chimichurri Sauce、Seafood Fideua Paella Pasta with Fresh Seafood
羊肉好難想像可以煮到咁軟腍，羊膻味基本上無乜，第一啖食落去個下，脂肪好似係靚和牛咁係口入面溶化，另外，不得不提就係伴碟的脆皮薯仔粒，薯仔粒都可以咁好味，完全唔似伴菜，同埋薯仔皮食落好香口。而另外個西班牙海鮮意粉變奏版，吸收晒海鮮湯，意粉夠晒乾爽，撈埋個蛋黃醬，一齊食真係一流。伴碟的大蜆同蝦，唔係單純新鮮咁簡單，係有將佢特別處理，唔再單係食個鮮味。
甜品：Daily Ice Cream Scoop、Grandma Rice Pudding with Vanilla Sauce
雪糕係雲呢拿口味，底下係類似碎餅粒，同個雪糕好夾
另外個Rice Pudding未食過都未見過，應該係米、奶、糖整成的甜品，食落小小似糊仔質感，味道好綿滑。
另外，個Service都係好到無得彈，個侍應會留意D客食到邊，先會再上下道菜，感覺唔會催你走，周不時為你斟水，同埋幫你收碟換碟。
Post
