竺扶大班燒味

Open Now

Now Closed

今次介紹呢間餐廳係位於大埔廣場的「大班燒味」，好鍾意佢地嘅燈光夠曬光，影啲相都零舍靚。今次叫咗佢地嘅招牌叉燒飯同埋口水雞套餐，跟餐仲有老火湯同埋飲品。唔似一般茶餐廳，呢間嘅老火湯真係幾足料，而且唔係死鹹嘅味精湯，飲完唔會好頸渴，小編非常欣賞。叉燒飯嚟講，小編最怕乾柴叉燒同埋硬掘掘嘅飯。而佢地嘅叉燒肥瘦適中，油脂分佈平均，一定係大家最鍾意嘅叉燒。飯方面就比較普通，不過無硬到一舊舊就俾佢過啦！口水雞呢就好睇個人口味嘅，佢都整得夠麻夠辣同惹味，不過我本身鍾意重口味，覺得唔夠鹹。但係雞肉就超嫩，就算係雞胸都唔乾唔痴牙。等小編下次再試下其他嘢食。😋