安娜餐廳

Open Now

Now Closed

今日突然好想食舊式西餐就搵到呢間餐廳食個lunch!入到真係覺得好有味道啊～啲聖誕裝飾仲未拆諗返起細個食聖誕大餐星期一十二點幾唔算好多人～我叫左個紅湯同焗豬扒飯鮮油多雖然唔係熱辣辣但仲係好脆😋羅宋湯都幾好味係我好鍾意食嘅餐包同湯😋焗豬個賣相真係唔多討好😆但係又意想不到咁好食😳個豬扒炸過 好香又唔算乾啲炒飯係一粒粒啲汁就係個底度 總共有兩塊大豬扒份量都幾大架男朋友就飲白湯食黑椒牛扒飯我試左一啖個白湯覺得紅湯好味啲😋黑椒牛扒飯就比較普通唔多夠汁 牛扒有點韌都係推薦焗豬😋食飽飽再黎個餐飲好滿足！