朝天門

Open Now

Now Closed

每次行過蘭桂坊，見到呢間好有氣勢叫''朝天門"火鍋店，大紅色嘅招牌非常吸引，上網一睇，原來係屬於香港火鍋界嘅天花板，而且價錢都比較平民化!火鍋店入邊裝修極具氣派，有迎官接聖的牌匾,正正有"進了朝天門，就到重慶城"嘅感覺！朝天門仲係重慶火鍋發源地！除咗大廳座位之外，火鍋店仲有包房可以book,可以喺房入邊唱 karaoke同埋欣賞中環蘭桂坊嘅夜景真係一大嘅享受，絕對系商務宴請，或者朋友聚會嘅好去處！我同朋友今晚就包咗一間細房，除咗佢哋出名嘅紅湯，紅湯係重慶嘅非物質文化遺產，即都係重慶老字號嘅高端火鍋，而且火煱地道又正宗，真係一食難忘！地今日叫咗好多唔同嘅火鍋配，好似有精選雪花肥牛,草原千層肚、鮮毛肚、冰鎮鵝腸、豬 精品鬆板肉、八秒響鈴卷、鮮藕片、鮮木耳、船家苔粉、公仔麵。。。食材除左高質素，相又夠靚之餘，仲配上佢哋嘅獨家醬油，今晚一路同朋友唱k，一路食住美食，真係一個超級好嘅享受！