烏蠅館 (九龍中心大廈) (Under Renovation)

今日黎到尖沙咀食dinner，烏蠅館之前我都食過好多次lunch，今次第一次過黎食烤魚🤤烤魚有三種魚可以揀，我就揀左清江魚，香辣小辣，佢地好貼心有得揀少油少鹽😎上枱條魚好肥美，職員冇介紹錯，真係冇乜骨，啖啖肉🤤魚好入味，但又唔會過咸，同行朋友都話好好食，宜家仲回味緊👅另外欣賞餐廳係佢地火鍋材料全部可以叫半份，咁就可以試多啲唔同嘅嘢，我哋叫咗金菇芽菜同埋佢哋自家製嘅鮮蝦雲吞，鮮蝦雲吞好味，蝦肉好彈牙，必點😎另外叫咗佢哋嘅串燒，叫咗雞翼牛肉肉同埋雞肉串，全部都燒得好香，係即叫即燒，所以熱辣辣😻最後叫咗佢哋個仙草芋圓，呢個竟然係$12一碗😱冇可能唔叫，佢味道都好正宗！