上海名居

Open Now

Now Closed

係荃灣呢個匯聚美食嘅地方搵上海菜，就會發現愉景新城嘅上海名居。店鋪採用中式設計，地方闊落，坐位適舒。今次叫左幾款常見嘅上海菜，份量頗多，味道亦唔錯，晚市價錢亦算合理。爆汁生煎包食上海菜當然唔少得生煎包啦，呢個生煎包份量比平時嘅稍為大一點，外層鬆脆，肉汁豐富，建議襯熱食。過橋金湯翡翠苗推薦比鍾意食疏菜的朋友，有超多份量的豆苗同金菇，再配上香濃的雞湯，自由決定浸泡時間，青啲熟啲任君選擇。大排湯拉麵傳統的上海炸排骨拉麵相信無人會陌生，呢度嘅豬扒大大塊，炸得酥脆香口，抵食！十年陳皮豆沙鍋餅大推呢個陳皮豆沙餅，香甜得嚟又有些少陳皮同豆沙嘅香味，份量足夠3-4人用花雕雞花雕味香濃，雞肉嫩滑，份量差唔多有半隻雞，誠意推薦。韮菜魚肉過橋水餃以為同過橋豆苗一樣都有湯，試菜才發現原來過橋水餃係冇湯嘅，唯有當佢係蒸水餃。水餃都幾大粒，比起常見嘅豬肉水餃清爽得多，幾乎無乜油膩感。