薈潮軒

Open Now

Now Closed

今日同朋友黎到呢間潮州菜，d食物唔錯，款式都幾多，我地叫咗幾款試吓。鵝片拼鵝腸個滷水味好香，但又唔會好咸，鵝片d肉好嫩滑，鵝腸都好脆口。炸普寧豆腐外皮炸到金黃色，脆卜卜，唔算太油膩，入面豆腐非常嫩滑，唔錯汕頭煎蠔烙蠔仔份量都幾多，都好新鮮，好鮮甜，蠔仔都幾大粒，而蠔烙煎到非常脆口，食落仲餅底仲有煙煙韌韌嘅口感，唔會有好好多油喺碟底，好味。碧綠川椒雞呢個菜式非常惹味，雞肉都好嫩滑，唔算太辣，送飯一流。糖醋煎麵個麵煎得好脆，而入面d麵仲好柔軟，點埋d糖醋，酸酸甜甜，食落唔太膩。清心丸綠豆爽食完飯，店員送嘅糖水，清心丸非常煙韌，糖水唔太甜，而綠豆煮得非常淋，好味。