Uma Nota

Open Now

Now Closed

星期五同朋友補祝生日，佢揀左呢間餐廳。我地成枱都叫左5 courses既Chef’s Menu，每人$388+1。三文魚刺身配辣椒柚子土佐津汁、芒果莎莎、蘿蔔三文魚幾新鮮，夾埋配料幾好食。炭烤玉米筍、辣蛋黃醬、山葵飯素、巴馬臣芝士玉米筍烤得岩岩好，好食。日式微辛甜酸炸雞炸雞好juicy又入味，正。烤三文魚醃西京味噌、裙帶菜三文魚好嫩滑，一切就開。慢烤美國乳豬肋排、菠蘿燒烤醬乳豬肋排肉質軟腍，唔錯。煙燻辣椒乾醃香雞、粟米忌廉、菠菜苗沙律雞肉都係juicy又嫩滑。炭烤牛裡肌肉、燒春洋葱牛就相對遜色啲，有少少鞋。是日甜品係巴西青檸手指餅蛋糕配果仁碎同朱古力慕絲配野莓醬、朱古力脆脆。好有誠意，是日甜品都甘大件。兩件味道都唔錯，更鍾意巴西青檸手指餅蛋糕配果仁碎。