釜山商會

今日收工約咗朋友嚟尖沙咀金巴利道食韓國嘢。前菜有六小碟好豐富，有黑豆，炸甜番薯，炒雜菜，泡菜同埋薯仔。黑豆好入味，忍唔住不停咁食，泡菜酸酸辣辣好開胃，前菜好快就食晒，如果有得refill就好啦。釜山商會辣炒年糕呢個部隊鍋有好多料有大量嘅椰菜，年糕，魚餅腸仔，拉麵，洋蔥，仲有啲辣椒醬，侍應會幫你去煮呢個部隊鍋，唔使自己動手。魚餅好好味，好入味，年糕煙煙韌韌。我哋仲嗌咗一個燒牛肉鍋，入邊有好豐富嘅椰菜啦，牛肉係甜甜地嘅唔辣。仲有一個辣炒豬肉鍋，豬肉係五花肉，有半肥瘦跟住有好多嘅配菜啦，洋蔥，椰菜，整體而言有少少辣，如果可以配飯食一流。