泰簡單

Open Now

Now Closed

又黎食泰簡單！今次係第3次食， 次次都叫左唔同既菜，因為真係好多野揀！以前試過冬陰公、大蟶子、pad thai、馬拉盞炒菜， 都十分不錯架。今次3個八婆唱完K黎食飯，8點鐘walk in 要等一等， 好彩我地前面無人所以都好快入到去。﹣燒豬頸肉：好．好．味！豬頸肉爽脆既肉質燒完更加吸引，好多肉汁之餘再點埋佢個醬（類似魚露／喼汁＋泰式辣椒仔），而且佢份量都唔少，塊塊都好正（唔會某D燒到偏乾），下次一定會再encore!﹣8婆們話淨食肉唔得，所以叫左個菜；雖然我唔知點解乾煸四季豆會係泰國餐館出現，但好彩佢都幾好食，所以無所謂啦～﹣肉鬆飯：好似有D名堂架，但我唔記得左叫咩名；飯量唔多（如一人食就夠晒），但D配料好足！有好多肉鬆啦、果仁啦、蝦仁啦（係新鮮蝦肉）、overall都幾豐富，但如果多人食既話就要叫2份啦。﹣甜辣魚：（again，我唔記得佢個‘靚靚名堂’，但應該看圖理解都認到既）：首先，我地估唔到佢咁大碟！真係起左成條魚既肉去炸咁，炸完再撈勻D辣醬甜醬香料，好香好惹味！炸粉唔厚，有D似糖醋肉咁一咬開就係無骨魚肉，食左第一啖已經停唔到口，但又因為佢都幾辣有DD卻步，但又想繼續食，然後飲完