Video
Read full review
2017-04-23
603 views
媽媽臨時吩附我陪伴老人家，我唯有扔下朋友，帶老人家到淘大逛逛，然後一起晚餐。因為我已經跟朋友吃了東西，所以我只打算吃小吃。之前在這𥚃附近食飯的時候，已經覺得這間餐廳好靚。餐廳環境乾淨，光線柔和，畢竟跟老人家吃飯不太適合到太有情調的地方。士林炸雞加薯片-炸雞份量很多，而且炸得夠脆。有雞皮，炸到脆卜卜好香，平時少食雞皮的我，今次全部食曬。薯片都好脆，而且有少少糖醬，幾特別。炸雞有配醬，有好多款揀，我揀咗芒果番茄沙沙。蕃茄味好濃仲有少少番茄粒。但係我覺得原味炸雞已經夠味。炸豬扒烏冬-我食咗一小啖，覺得烏冬嘅麵質煙韌，唔錯。炸豬扒係分開上嘅，旁邊有少少沙律。感覺上冇咁熱氣。最特別嘅係佢個湯係分開上嘅，湯底唔算太鹹，可以按自己嘅喜好落湯底。見到個飲品馬上變心心眼，好靚嘅餐具，而且冇崩，之前去過一啲Cafe，啲餐具好靚但係崩晒，破壞晒感覺。呢個係洛神雪梨茶，偏甜，家人十分喜歡。手工鮮奶朱古力-千祈唔好直接飲鮮奶，好熱！有好多粒朱古力，自己慢慢將鮮奶倒入有朱古力嘅杯，用匙羹搞下，直到啲朱古力溶，再加少少棉花糖做裝飾。我整得有啲醜，但係唔影響味道。我下次會試吓整得靚啲架....我本來好想食甜品，但係我
因為我已經跟朋友吃了東西，所以我只打算吃小吃。之前在這𥚃附近食飯的時候，已經覺得這間餐廳好靚。
餐廳環境乾淨，光線柔和，畢竟跟老人家吃飯不太適合到太有情調的地方。
士林炸雞加薯片-炸雞份量很多，而且炸得夠脆。有雞皮，炸到脆卜卜好香，平時少食雞皮的我，今次全部食曬。薯片都好脆，而且有少少糖醬，幾特別。
炸雞有配醬，有好多款揀，我揀咗芒果番茄沙沙。蕃茄味好濃仲有少少番茄粒。但係我覺得原味炸雞已經夠味。
炸豬扒烏冬-我食咗一小啖，覺得烏冬嘅麵質煙韌，唔錯。
炸豬扒係分開上嘅，旁邊有少少沙律。感覺上冇咁熱氣。
最特別嘅係佢個湯係分開上嘅，湯底唔算太鹹，可以按自己嘅喜好落湯底。
見到個飲品馬上變心心眼，好靚嘅餐具，而且冇崩，之前去過一啲Cafe，啲餐具好靚但係崩晒，破壞晒感覺。呢個係洛神雪梨茶，偏甜，家人十分喜歡。
手工鮮奶朱古力-千祈唔好直接飲鮮奶，好熱！有好多粒朱古力，自己慢慢將鮮奶倒入有朱古力嘅杯，用匙羹搞下，直到啲朱古力溶，再加少少棉花糖做裝飾。
我整得有啲醜，但係唔影響味道。我下次會試吓整得靚啲架....
我本來好想食甜品，但係我哋兩個人食完烏冬同炸雞，已經食唔落其他嘢啦下次我一定要再去食甜品
最後，侍應比好充足嘅時間我哋去睇餐牌，一啲都冇催我地。老人家話想要杯熱水，就馬上拎比我地
Post
