浜滝

Open Now

Now Closed

相信大部份香港人都係鍾意食日本嘢嘅，最近就俾我發現咗九龍城有一間超正嘅日本餐廳，呢間小店絕對不能睇小，佢嘅食物質素真係好高，叫過嘅嘢都好好食！我自己雖然係第一次嚟，但係已經約咗唔同朋友喺以下落嚟嘅幾個星期都要再返嚟，我今餐食過最好食嘅嘢就有以下呢三樣：龍蝦一鍋粥真係原隻龍蝦咁上，打卡一流，味道亦都有鮮甜嘅龍蝦味，煮得好濃郁，好Creamy，真係好正，係呢啲天氣凍凍嘅時候食，真係好暖身。平時去旅行同銀杏樹影相打卡就多，估唔到呢度原來有得食銀杏串！取消得好好味，而且一啖一粒，調味少少鹹，配埋酒一齊食，真係好正！鮟鱇魚肝係另外一樣我好鍾意食，但係喺香港好少食到好味嘅，以前喺外國住嘅時候都經常嗌，但係喺香港好多地方都唔知點解個口感好奇怪，一下太硬，一下就一咬就散，但係呢間嘅口感完全係以前食開嘅味道，口感Creamy，配埋啲醋一齊食真係絕頂！