權八居酒屋 (利園二期)

Open Now

Now Closed

權八係一間我幾鐘意嘅居酒屋，因為佢嘅食物種類真係好多而且類類都好出色☺️ 極上三色卷真係無得輸☺️碎吞拿魚腩、海膽同三文魚子呢個組合，都可算係無敵🤭 精選串燒拼盤都幾唔錯，A5和牛青椒燒得啱啱好，牛肉油脂都好豐富，大蔥吞拿魚腦天魚油幾濃郁同燒鵝肝仲好軟錦，唔會話太乾都幾好食！佢哋嘅炭火腫串都幾出色，用咗本地三黃雞，燒到皮脆肉滑，幾驚喜！蔥鹽牛舌都幾厚肉同爽口，而且蔥鹽唔係太鹹，都幾夾。紫蘇葉控嘅我當然係會推介海膽大葉天婦羅，海膽份量勁多，而且炸到外皮脆內有海膽嘅軟滑，當然配埋紫蘇葉嘅香氣，真係幾好食😂 仲有我都幾推介試吓佢哋每日鮮製手打蕎麥麵（店員仲要勁細心咁幫我哋分開咗兩份☺️），食落口感同味道上同出邊嗰啲都有啲分別，幼滑細緻一啲☺️