四面泰泰式火鍋

Open Now

Now Closed

最近天氣轉涼，同朋友食飯當然首選火鍋啦！今日我哋就嚟咗沙田市廣場呢間上海知名嘅人氣泰式火鍋店四面泰試試。一座落店員就奉上前菜泰式蝦片及泰式特製醬料，仲細心講解各款醬料嘅配搭食法，而蝦片仲可以無限添食（每位$15）。我哋嗌咗個寶藏海鮮手工金盒（2人）內含海蝦4隻、台山桶蠔2隻、爽脆鯇魚4片、鮮脆珊瑚蚌60g、鮮活鮑魚仔2隻、手工墨魚丸2粒及鮮活紅沙蚌2隻。店員奉上充滿神秘感嘅海鮮金盒，打開之後附上乾冰煙霧效果更顯矜貴，低溫保存亦為海鮮保鮮，食落亦非常新鮮。呢個2人餐仲贈送鍋底（單拼/雙拼），非常超值，今次我就試左秘製冬蔭功慢燉牛板腱雙拼鍋。冬蔭功鍋底內有幾隻蝦少少微辣，蕃茄味偏重，酸酸辣辣，非常惹味。慢燉牛板腱鍋底相對就比較清淡，內有數片牛板腱及菇菌類配料，牛味濃郁。美國特色肥牛肉質鮮嫩，牛味好濃，蘸埋泰式醬料真係一流！泰國船面河粉船面河粉吸滿鍋底湯後，食落爽口惹味，仲有滿滿嘅飽腹感。泰式芒芒碌碌飲落十足泰版楊枝甘露，酸酸甜甜，解膩解辣。招牌椰皇凍嫩滑香濃椰奶凍配以脆花生，甜而不膩，絕對係必食推介！