巴剎雞飯 (Closed)

餐廳位於西環西營盤高街64號地舖今日下午時間嚟到一間餐廳人數都唔少人，只有一張空枱，上網睇過呢一間餐廳出名嘅有豬手飯同埋佢嘅雞！今日同兩個朋友就叫咗幾樣嘢share！🤍巴剎雞(half) 半隻雞嘅份量，原來都比我哋想像中多，而且幫我哋去晒骨非常方便，啱晒我哋呢啲死懶鬼！餐廳會有一個特別製造嘅醬汁，酸酸辣辣咁點落去個雞度幾好食，而且味道都非常夾，唔會有太辣嘅效果！而且每一件雞都非常嫩滑，價錢嚟講亦都唔算真係太貴CP值非常高，難怪見到有好多上班一族過嚟買外賣，眼見至少到有10幾張單以上，午飯時間都幾誇張！🤍炸皮蛋餃/淨皮蛋餃，我哋分別叫咗炸嘅同埋湯，每一款都決定試吓好唔好食，兩樣都出奇地做得唔錯，第一次食皮蛋加埋餃子呢一個配搭，食落去肉質非常juicy, 炸餃子，亦都唔會有太乾嘅效果，食落去都覺得唔錯！🤍牛肉豬肉串燒，餐廳為咗令到串燒保溫會有一個細細地嘅火爐喺下邊令到串燒嘅溫度可以保存！呢一個位非常貼心，我哋都覺得可以值得加分！再加埋佢本身嘅沙嗲醬，我哋都覺得非常好食！總括嚟講呢一間餐廳CP值都非常高，大家如果去開西營盤都可以黎試吓