4口

Open Now

Now Closed

今日我嚟到位於中環嘅4口食飯，4口呢一排做緊鰻魚嘅菜單，有唔少鰻魚菜可以選擇。浦燒鰻魚飯鰻魚飯嘅鰻魚都好大塊，鰻魚魚肉非常之厚，入口唔覺得有好多骨，肉質柔軟，充滿油香，配埋佢個鰻魚汁嚟食，真係好好味呀。佛跳牆佛跳牆嘅湯非常之濃郁，材料又元貝，雞肉，海參等等。將湯汁淋上麵條上面，令到麵條可以完全吸收到湯汁嘅味道。椰汁冰椰汁冰入口非常之清新，有唔少珍珠，以及涼粉等等嘅配料，非常之豐富。黑蒜香煎帶子呢個帶子煮得非常之入味，帶子都有好幾塊，入口鮮甜，味道唔錯。甜品方面，椰奶銀耳燉桃膠嘅材料好豐富，入口亦唔會覺得好肥膩，作為今餐嘅甜品真係非常之恰當。整體嚟講，我覺得今次嘅食物質素都幾高，價錢亦都合理。