朝

Open Now

Now Closed

同FD行花墟，想揾個地方飲一杯，哩間居酒屋質素唔錯，咁encore啦。居酒屋環境好清幽，就算坐滿都好靜。除咗主餐牌，仲提供唔少當季限定，好多嘢可以揀。山梨蜜桃果酒，蜜桃味好重，不過唔會好甜，有少少酒味，飲落好清爽。螢光魷魚，魷魚新鮮鮮甜，入口微微黏稠口感，就酒一流。刺身拼盤，有三文魚，帶子，左口魚裙邊同赤貝。三文魚油脂豐富仲要厚切，左口魚裙邊用火槍微炙，逼出魚油，入口即化伴有焦香，赤貝爽彈脆口，帶子肉厚鮮甜，全部都好好味。西京銀鱈魚，銀鱈魚肉軟嫩冇骨，魚皮焦香脆口，用西京燒做法，更能食出銀鱈魚嘅鮮甜味。牛舌，燒烤火候掌握得好好，牛舌軟嫩juice。自家制醬料超級美味，唔單止落入日本味增，仲加入少少蒜蓉，食落味道層次好豐富，同牛舌好夾。厚燒羊架，羊架真係勁厚一件，差唔多有平時2倍咁厚身。羊架燒到7成熟，切開內裡仲係紅色，會搭配埋牛舌同款自家制醬料，羊肉入口軟嫩唔膻，好好味。