Video
Read full review
2024-09-17
733 views
高質餐廳 chill 住食！尋晚就去到天後砲台山一帶，週圍行下，行入木星街，就見到呢一間 ROJO 餐廳， 驟眼睇落係酒吧餐廳，就入去睇睇。原來係西班牙菜餐廳，就更加有驚喜，而且西班牙餐廳喺香港通常都好貴，但從menu睇落呢間餐廳嘅價錢都算平民化，就喺呢度開餐啦。當日其實都好爆場，好彩我哋入去嘅時候唔需要等位。侍應介紹我哋食二人套餐，我哋就叫咗個二人套餐。Tapas，我哋揀咗呢五款：油甘魚他他配牛油果、蕃茄銀魚柳多士、西班牙臘肉腸片、炸西班牙青椒蒜頭粒、黑毛豬火腿+薯仔沙律+蛋黃醬。五款tapas都非常好食，而且仲加咗啲亞洲元素，fusion得嚟又唔會失去西班牙菜嘅特色。Tapas來講我最鍾意就係「炸西班牙青椒蒜頭粒」， 青椒炸得好甘香又有啲甜，味道好正！油甘魚他他配牛油果，好似有少少日本元素，食落個味道又好特別，係好好味。五款tapas之後就食主菜西班牙海鮮飯，一嚟到就聞到香噴噴，熱辣辣！好新鮮，好多海鮮，好有特色，好好味，呢個西班牙海鮮飯好豐富！其實呢個飯吸收咗好多海鮮嘅味道，所以飯係最好食！食完主菜，仲有甜品，我哋就叫咗西班牙肉桂油條，個油條好金香，點啲朱古力醬，真係正！原來而家
尋晚就去到天後砲台山一帶，週圍行下，行入木星街，就見到呢一間 ROJO 餐廳， 驟眼睇落係酒吧餐廳，就入去睇睇。
原來係西班牙菜餐廳，就更加有驚喜，而且西班牙餐廳喺香港通常都好貴，但從menu睇落呢間餐廳嘅價錢都算平民化，就喺呢度開餐啦。當日其實都好爆場，好彩我哋入去嘅時候唔需要等位。侍應介紹我哋食二人套餐，我哋就叫咗個二人套餐。
Tapas，我哋揀咗呢五款：
油甘魚他他配牛油果、蕃茄銀魚柳多士、
西班牙臘肉腸片、炸西班牙青椒蒜頭粒、
黑毛豬火腿+薯仔沙律+蛋黃醬。
五款tapas都非常好食，而且仲加咗啲亞洲元素，fusion得嚟又唔會失去西班牙菜嘅特色。
Tapas來講我最鍾意就係「炸西班牙青椒蒜頭粒」， 青椒炸得好甘香又有啲甜，味道好正！
油甘魚他他配牛油果，好似有少少日本元素，食落個味道又好特別，係好好味。
五款tapas之後就食主菜
西班牙海鮮飯，一嚟到就聞到香噴噴，熱辣辣！好新鮮，好多海鮮，好有特色，好好味，呢個西班牙海鮮飯好豐富！其實呢個飯吸收咗好多海鮮嘅味道，所以飯係最好食！
食完主菜，仲有甜品，我哋就叫咗西班牙肉桂油條，個油條好金香，點啲朱古力醬，真係正！
原來而家仲做緊優惠，西班牙菜嚟講真係好抵！
Post
