Video
Read full review
2024-06-24
11931 views
星期日係老公生日，我book左一直想試既雅谷餐廳同佢慶祝。經Dining City book枱送welcome drink同晚市套餐有9折。餐廳會whatsapp問定你寫咩字句同訂唔訂拿破崙蛋糕，2人size $360，我梗係訂啦，難得一次。四道菜$1280另收10%服務費，每位最低消費$1280，埋單$3044。餐廳環境原來係好靚架，古典雅緻，服務當然都好好。望真d有本寫上我地個名既memo紙送，好驚喜。坐低無耐就送上welcome drink，味道酸酸甜甜。有兩款餐包，一款係法包，外脆內軟，另一款係脆餅，牛油整成玫瑰花樣，好有儀式感。仲有個黑松露薯波送黎。香煎法國鮮鴨肝鴨肝肥美，無鵝肝甘油膩，好食。普羅旺斯帶子．紫蘇雲吞．石榴子．魚子帶子嫩滑彈牙，有隻大大粒既雲吞，唔錯。龍蝦湯侍應會係你面前落少少白蘭地，好高級既感覺，味道濃郁。黑松露牛尾清湯清清地，幾好。食主菜前會有個西柚雪葩俾你清一清味蕾。芝士煙肉蘑菇焗大蝦．戴安娜牛柳大蝦好彈牙，牛柳嫩滑，好厚身，好味。扒美國肉眼(250克)．燒蒜．焦糖洋葱汁肉眼相對牛柳無甘嫩滑，但就幾大塊。跟住就送上拿破崙蛋糕，加埋樂手邊彈邊唱生日歌，唱完仲
經Dining City book枱送welcome drink同晚市套餐有9折。
餐廳會whatsapp問定你寫咩字句同訂唔訂拿破崙蛋糕，2人size $360，我梗係訂啦，難得一次。
四道菜$1280另收10%服務費，每位最低消費$1280，埋單$3044。
餐廳環境原來係好靚架，古典雅緻，服務當然都好好。
望真d有本寫上我地個名既memo紙送，好驚喜。
坐低無耐就送上welcome drink，味道酸酸甜甜。
有兩款餐包，一款係法包，外脆內軟，另一款係脆餅，牛油整成玫瑰花樣，好有儀式感。
仲有個黑松露薯波送黎。
香煎法國鮮鴨肝鴨肝肥美，無鵝肝甘油膩，好食。
香煎法國鮮鴨肝
515 views
0 likes
0 comments
帶子嫩滑彈牙，有隻大大粒既雲吞，唔錯。
普羅旺斯帶子．紫蘇雲吞．石榴子．魚子
175 views
0 likes
0 comments
侍應會係你面前落少少白蘭地，好高級既感覺，味道濃郁。
黑松露牛尾清湯清清地，幾好。
食主菜前會有個西柚雪葩俾你清一清味蕾。
芝士煙肉蘑菇焗大蝦．戴安娜牛柳大蝦好彈牙，牛柳嫩滑，好厚身，好味。
扒美國肉眼(250克)．燒蒜．焦糖洋葱汁肉眼相對牛柳無甘嫩滑，但就幾大塊。
跟住就送上拿破崙蛋糕，加埋樂手邊彈邊唱生日歌，唱完仲有得點歌。基本上全場枱枱都係為左慶祝而黎，成晚都不斷聽到，好有氣氛，哈哈。另外會送一張即影即有俾你，夾係寫住當日日期既卡到，仲有一支真既玫瑰花送添，好正!
拿破崙蛋糕味道就中規中距。
脆糖芒果燉蛋．鮮芒果粒燉蛋好滑，好似食緊布甸甘，焦糖面脆得黎又唔會痴牙，好好食。
脆糖芒果燉蛋．鮮芒果粒
315 views
0 likes
0 comments
梳乎厘上面層皮整到脆脆地，入面就好軟熟，充滿空氣感，都好出色。
估唔到仲有脆皮朱古力雪糕球，真係飽到上心口。
餐飲叫左熱咖啡(decaf)同凍檸茶。另外一坐低就問我地要有氣定無氣水，結果俾左$80飲左支無氣水。
Post
