Video
Read full review
2018-12-24
453 views
🎀熊大喜歡茶記冰室，熊妹就專揾啲新式又有特色的冰室，咁熊大咪會陪熊妹周圍食食食囉。📍熊妹知道以十字牌牛奶🥛做主打的《十字冰室》係西環，銅鑼灣同將軍澳都好hit，最近仲係旺角開埋第四間分店，咁近城隍廟🕍，食完熊大又可以行🐠金魚街，熊妹又可以行👩🏻🦰女人街，仲唔係一舉三🉐？📍餐枱怖局中間有張長型獨立位餐枱，適合一般來茶記速食的一支公🕴🏻或者一支花🌷，其餘兩邊就係高背長椅2-4人👨👩👧👦枱。📍4點🕓黎到都幾多人食下午茶，岩岩好有張卡枱，熊大熊妹仲唔拿拿聲坐低？📍坐低就緊係叫野食喇。大路茶記美食，常餐，茶餐，三明治🥪，包類🥯，西多士🍞，飯🍛意粉🍝樣樣齊，比較特別的係用十字牌牛奶🥛製成的特色奶昔🥤。常餐，$58📍熊大話要試出茶記食物的功架就非常餐莫屬。《十字冰室》的常餐除了必有的牛奶炒蛋，牛油多士，比較特別的係十字牛奶豬骨湯意粉拼煎豬排🥩。牛奶炒蛋，蛋好滑，有滲出淡淡牛奶味，專用十字牌牛奶炒果然無得輸。牛油多士只係普通白麵包🍞一片塗上牛油，多士沒有烘得熱，令牛油未能夠溶化，仲係一舊黏在麵包上，而且麵包質感有點乾巴巴，沒有烘底的脆或者唔烘的柔軟，所以熊大咬了一啖，放棄了。以十字牛奶同豬骨熬
🎀熊大喜歡茶記冰室，熊妹就專揾啲新式又有特色的冰室，咁熊大咪會陪熊妹周圍食食食囉。
📍熊妹知道以十字牌牛奶🥛做主打的《十字冰室》係西環，銅鑼灣同將軍澳都好hit，最近仲係旺角開埋第四間分店，咁近城隍廟🕍，食完熊大又可以行🐠金魚街，熊妹又可以行👩🏻🦰女人街，仲唔係一舉三🉐？
📍餐枱怖局中間有張長型獨立位餐枱，適合一般來茶記速食的一支公🕴🏻或者一支花🌷，其餘兩邊就係高背長椅2-4人👨👩👧👦枱。📍4點🕓黎到都幾多人食下午茶，岩岩好有張卡枱，熊大熊妹仲唔拿拿聲坐低？
📍坐低就緊係叫野食喇。大路茶記美食，常餐，茶餐，三明治🥪，包類🥯，西多士🍞，飯🍛意粉🍝樣樣齊，比較特別的係用十字牌牛奶🥛製成的特色奶昔🥤。
常餐
$58
19 views
0 likes
0 comments
📍熊大話要試出茶記食物的功架就非常餐莫屬。
《十字冰室》的常餐除了必有的牛奶炒蛋，牛油多士，比較特別的係十字牛奶豬骨湯意粉拼煎豬排🥩。
牛奶炒蛋，蛋好滑，有滲出淡淡牛奶味，專用十字牌牛奶炒果然無得輸。
牛油多士只係普通白麵包🍞一片塗上牛油，多士沒有烘得熱，令牛油未能夠溶化，仲係一舊黏在麵包上，而且麵包質感有點乾巴巴，沒有烘底的脆或者唔烘的柔軟，所以熊大咬了一啖，放棄了。
以十字牛奶同豬骨熬成的湯底🥣真係一流，乳白色的牛奶湯底有著咸咸地豬骨味，好少會飲街外湯底的熊大都盛讚味道唔錯，唔係只得味精味。
湯意粉🍜預左係淋的，唔會係西餐意粉熊妹最愛的七分鐘硬度，不過呢款湯意又無想像中咁淋，都有啲嚼口，喜歡湯意的熊大一定清哂。
到重頭戲塊香煎豬排🥩。size唔算好大塊，但都幾厚實，确實落穫煎，見到一條條穫紋，煎得幾有肉香，質感不係嫩淋，係實在的豬肉排🐷口感，咸咸地幾飽肚幾好味。
📍平時常餐跟粉麵多數都係火腿或餐肉通粉，最多係沙爹牛肉公仔麵，好少可有湯意粉咁大一碗仲要跟一塊豬排，太抵食了吧。
📍喜歡湯意的熊大絕對表示🈵意喇，因為呢個湯意，對《十字冰室》的食物評價係🈴格的。
奶茶紅豆冰
$10
21 views
0 likes
0 comments
📍招牌特色飲品🥤，熊大又鐘意食大大杯紅豆冰，一定唔放過。
嘩，有成半杯的紅豆🌰，幾足料喎，紅豆煮得綿綿的，一啲都唔硬，又唔算太甜，幾好味。
凍奶茶奶味🥛比較重，少啲茶的苦澀味，撈埋紅豆食都幾夾。不嬲紅豆冰都可以當一款甜品咁食。
香酥炸雞脾配懷舊雜果沙律
$38
57 views
0 likes
0 comments
📍熊妹食茶餐，一係揀雞脾沙律，一係公司三文治，呢兩款其實都出名，不過熊大話三文治佢都整到，要熊妹試下難自家做的炸脾，好喇，乖乖聽熊大話。
炸脾都幾大一隻🍗，炸粉好少，炸到啡黃色，唔同部份的肉質有鞋有嫩，味道唔算太多調味，未算鎖住肉汁，最後都係要靠點茄汁🥫易人口啲。
雜果沙律就係典型罐頭什果撈卡夫沙律醬🍼，無咩特別。
熱奶茶
14 views
0 likes
0 comments
📍熊妹就話好的奶茶☕️先能夠代表出茶記的功力，仲要係熱的，未俾糖精溶化之前。
始終都係牛奶🥛為名的冰室，奶茶的比例都預左係奶味濃啲，茶味淡啲，完全適合喜歡奶茶多奶的朋友們。
值得一讚的係印有《十字冰室》的中式茶杯，好靚靚呀🥰。
📍水吧成個雪櫃都係放滿各款口味的十字牌牛奶作為原材料。以十字牌牛奶🥛做品牌的茶記係幾有唸頭，十字牌牛奶係昔日香港的經典，再配以懷舊冰室的設計真係襯到無論。
📍而十字牌牛奶本身都比較重奶味，以牛奶做出的食物產品🍶一定偏重奶香，自然能夠吸引一堆奶類粉絲的捧場🎉，而熊妹當然係其中一個☺️。
Post
