金燕島潮州酒樓 (Moved) New Location

屋企人不時想食潮洲菜，但好怕舊式菜館環境唔乾淨。喺尖沙咀都係去金燕島，老字號（之前喺星光行）又坐得舒服。今次清清哋，叫啲家常菜，無叫出名嘅魚翅、燕窩等：（1）麻油海節：味道調得剛剛好，好味！（2）滷水鵝片拼鵝腸：滷水味夠陳，八角桂皮味芳香，唔係只得咸味。可惜當日鵝肝賣晒，無得食。（3）清炒帶子西芹：帶子新鮮肉厚。（4）沙嗲牛肉：牛肉好嚡，今次失手。（5）煎蠔餅：蠔鮮蛋香，必叫。（6）紅燒豆腐、腿蓉娃娃菜（7）糖醋麫：外脆內軟，正！8個人，加埋只係千幾蚊，抵食！