Video
Read full review
2022-11-18
94 views
係海港城食過已經覺得幾好，今次再訪真係要寫下。呢間過江龍係深圳食過都知好味，佢落戶海港城我都覺得好驚喜，因為我成日覺得香港人唔係太好酸菜魚。個人覺得九倉真係獨具慧眼，海港城開完之後呢間姚姚酸菜魚永遠大排長龍，而家Hysan嘅開左後，又係人山人海。我自己其實就幾鐘意，無他，酸辣都係我嘅愛好，再加上佢唔同嘅配菜，寬薯粉條、千葉豆腐，酸菜，蓮藕等等都係令人開胃又食指大動，平時我鐘意酸菜魚送飯，係呢度，除咗食酸菜魚，你仲可以食到水煮菜式，再加上呢期大熱嘅麻辣香鍋，今次二訪先至可以食到全部菜式，體驗到重點太多，胃太少的難處。當晚難得仲要坐到房，聽員工講遲啲佢哋仲會有私房菜，食完你會更期待，希望佢出私房菜嘅時候可以快啲試到。先講當晚嘅前菜，藤椒無骨鳳爪，涼拌萵筍絲，麻辣豬手同香辣豬扒串串都係必食，涼拌萵筍絲我地encore左三次你話幾瘋狂，豬扒串我直頭食到大漠風情。藤椒無骨鳳爪個個都話好，藤椒削削地滲入你味蕾每一個角落，好過癮。麻辣豬手相對就冇咁令我覺得新鮮，但係個調味的確唔錯，而且豬手亦炆得啱啱好。姚姚酸菜魚點題作點可以唔叫，推薦你一定要加個油炸鬼食，呢個食法可以上癮，完全好啱個湯底，當然油炸鬼
係海港城食過已經覺得幾好，今次再訪真係要寫下。
呢間過江龍係深圳食過都知好味，佢落戶海港城我都覺得好驚喜，因為我成日覺得香港人唔係太好酸菜魚。
個人覺得九倉真係獨具慧眼，海港城開完之後呢間姚姚酸菜魚永遠大排長龍，而家Hysan嘅開左後，又係人山人海。
我自己其實就幾鐘意，無他，酸辣都係我嘅愛好，再加上佢唔同嘅配菜，寬薯粉條、千葉豆腐，酸菜，蓮藕等等都係令人開胃又食指大動，平時我鐘意酸菜魚送飯，係呢度，除咗食酸菜魚，你仲可以食到水煮菜式，再加上呢期大熱嘅麻辣香鍋，今次二訪先至可以食到全部菜式，體驗到重點太多，胃太少的難處。
當晚難得仲要坐到房，聽員工講遲啲佢哋仲會有私房菜，食完你會更期待，希望佢出私房菜嘅時候可以快啲試到。
先講當晚嘅前菜，藤椒無骨鳳爪，涼拌萵筍絲，麻辣豬手同香辣豬扒串串都係必食，涼拌萵筍絲我地encore左三次你話幾瘋狂，豬扒串我直頭食到大漠風情。
藤椒無骨鳳爪個個都話好，藤椒削削地滲入你味蕾每一個角落，好過癮。麻辣豬手相對就冇咁令我覺得新鮮，但係個調味的確唔錯，而且豬手亦炆得啱啱好。
姚姚酸菜魚點題作點可以唔叫，推薦你一定要加個油炸鬼食，呢個食法可以上癮，完全好啱個湯底，當然油炸鬼炸得好脆就咁食都好好。而酸菜魚可以選菜式，鮮豆皮，寬薯粉條，午餐肉，每樣都好啱個酸菜湯。
第一次黎太少人食，今次六個可又食哂大部分signature姚姚水煮牛肉，點了少辣少麻，最輕盈的食法，另外再加鱸魚片又可以食埋水煮食，水煮食法就要一定要包千葉豆腐，呢個係最夾嘅食法，如果你同我一樣係豆腐派，不能錯過。
麻辣香鍋，麻辣鍋底一個價錢，你又係可以任選菜式，點了
鮮蝦、午餐肉、花菜、蓮藕片、鮮茶樹菇，怕肥為過口癮心癮，少辣少油，但係都夠香夠辣，食住啤酒真心正，呢度個VIP房，仲可以睇電視，如果遲啲世界盃睇波，食住呢個麻辣鍋就正。
尾聲點個簡單的幹煸四季豆再加傳統去辣的甜品完結，睇到呢度你就明白，無番六至八個人食，冇得咁爽食哂想食嘅嘢，又或者你好似我咁分兩次食都得，不過呢個品牌都真係造到當日深圳嘅水準。
Post
