Video
Read full review
2019-09-12
127 views
師傅今晚食得唔係好飽，想搵啲宵夜黎食，返到去自己環頭又唔知有乜好食，左諗右諗一支公都係食車仔麵啦，於是乎就揀咗呢一間食店。老老實實呢間食店師傅之前都黎過幾次，不過都係覺得麻麻地，咁點解都仲要黎食? 咪就係因為想寫番篇食評，認認真真咁品評一下。入到去人多，完全冇人招呼，師傅唔記得究竟係用咩方法去柯打食物，所以就行埋去，跟住就叫嘢食，先揀麵底，睇睇下又見到米線，其實真係好少食車仔麵係食米線，不過難得有就試下啦，之後就揀餸，分別係豬紅，豬皮，豬腸，魚蛋同埋牛柏葉五個餸加辣，落完單跟住比埋錢，就攞返返埋位，然後開餐。一坐低先發現原來係有紙張可以劃嘢食，師傅蠢左冇辦法啦，鬼叫自己少黎咩? 一如以往先試下個湯底，湯底入口超油，味道唔算特別吸引，應該係師傅食過咁多個湯底之中最油嘅一個，完全唔掂，好差。再試下豬紅，豬紅一粒粒，四四方方，入口都幾滑，但滷得唔入味，味道唔算好得，正常!豬皮就非常之大獲，全部腍到癲，腍過腍柿，入口完全唔得，豬皮應有嘅爽口冇，加上唔入味，係師傅近期食過最差嘅豬皮，失敗。至於豬腸，豬腸都屬於偏肥，但唔算炆得唔腍，好韌口，要用好多力去先至可以吞到，普通貨色。牛柏葉都係即叫即灼嗰
入到去人多，完全冇人招呼，師傅唔記得究竟係用咩方法去柯打食物，所以就行埋去，跟住就叫嘢食，先揀麵底，睇睇下又見到米線，其實真係好少食車仔麵係食米線，不過難得有就試下啦，之後就揀餸，分別係豬紅，豬皮，豬腸，魚蛋同埋牛柏葉五個餸加辣，落完單跟住比埋錢，就攞返返埋位，然後開餐。
一坐低先發現原來係有紙張可以劃嘢食，師傅蠢左冇辦法啦，鬼叫自己少黎咩? 一如以往先試下個湯底，湯底入口超油，味道唔算特別吸引，應該係師傅食過咁多個湯底之中最油嘅一個，完全唔掂，好差。再試下豬紅，豬紅一粒粒，四四方方，入口都幾滑，但滷得唔入味，味道唔算好得，正常!
豬皮就非常之大獲，全部腍到癲，腍過腍柿，入口完全唔得，豬皮應有嘅爽口冇，加上唔入味，係師傅近期食過最差嘅豬皮，失敗。至於豬腸，豬腸都屬於偏肥，但唔算炆得唔腍，好韌口，要用好多力去先至可以吞到，普通貨色。牛柏葉都係即叫即灼嗰隻，冇乜味道，入口算爽口，但係未算最爽，始終都係帶少少硬嗰種口感，未算最好食，不過比起之前嗰三度餸已經稍為好。最後係魚蛋，魚蛋都幾香，咬口味道都唔錯，呢個反而係師傅覺得咁多個餸最好。米線就不過不失，加上煮得比較腍，冇咗米線應有嘅口感，麻麻地。
總括嚟講食物水準都可以用唔合格黎形容，淨係試個湯底都估到佢得唔得，環境算乾淨光猛，價錢亦都唔算話好平，五個餸一個麵底，埋單52蚊仲要冇嘢飲，明明有杯豆漿送，結果冇因為沽清，如果要嘢飲就要加三蚊轉熱飲，加八蚊轉凍飲。師傅當然冇比嗰幾蚊雞啦。老實講同區真係冇乜有幾多間車仔麵，雖然係咁但係師傅再黎機會不大，今次要喊一喊啦。
4 views
0 likes
0 comments
Post
