Jimmy's Kitchen (Closed)

早、午兩餐都非常滿意，到夜晚選擇食西餐，自助餐唔想食，間老牌西餐廳，既可懷舊又夠情調，Jimmy's kitchen 都算是首選。Blackboard menu有幾多選擇，一個set dinner大約三佰幾，但係唔多口味，於是散叫。兩個湯分別係焗洋湯($60)及龍蝦湯($65)，洋湯好正尤其係面頭芝士焗得好香，龍蝦湯都有水準但非我所好。兩個main dish分別係西冷($280)牛扒及羊扒($265)，全部都好食尤其係羊扒，全無羶味。食完都好滿足連甜品都食唔落。由朝食到晚，餐餐都好食，真係快活過神仙，咁樣食好易升仙。由今日起都要食番幾餐齋至得。