Sabor Spanish Touch Private Kitchen

Open Now

Now Closed

今日有朋友推介，去了上環上樓食西班牙菜，去到先發覺原來係西班牙嘅私房菜，餐廳位置近地鐵站，坐位唔算多。前菜有三十六個月黑毛豬火腿，火腿特別用了豬肩位，所以冇咁油膩，入口肉味更香濃而且冇咁喇口。蕃茄麵包，西班牙出名嘅前菜，麵包特別薄身所以更香脆，點上橄欖油蕃茄及蒜蓉，簡單但非常惹味。仲有一細碟橄欖，可以送下酒。油泡蒜片蝦，上台非常熱辣辣，咋咋聲，蒜香撲鼻而來，蝦肉非常彈牙鮮甜，最緊要啲蒜片非常香脆，夾埋一齊就食一流。鑊仔蒜汁墨魚汁飯，墨魚汁飯裏面有帶子及魷魚，飯好有鮮味，飯裏面有少少八瓜魚碎及蜆肉，飯吃起來有咬口，咬勁十足，當你慢慢咀嚼，濃郁海鮮味在口腔滲出。甜品係西班牙出名小食油炸鬼Churros，熱辣辣新鮮炸起的油炸鬼有重玉桂味，旁邊有70%嘅朱古力，可以點埋一齊食食，十分可口。雖然係私房菜，食得出餐廳用料正宗，廚師烹調技巧宗於傳統，比一般坊間西班牙菜更正宗。