窩子

Open Now

Now Closed

窩子係我既餐廳清單之一，因為佢有賣梳乎里鬆餅，今晚終於黎食晚餐。卡邦尼意大利粉份量十足，勁多芝士掛係意粉到，煙肉切到細細粒但厚身，成碟帶點煙燻味。飯肉質軟腍，飯有蛋黃俾你撈勻食，但蛋黃略為過熟。髒髒意大利芝士忌廉唔會過甜，濃濃既咖啡朱古力味，忌廉軟滑輕盈，但餅底比較少，整體味道唔錯。自家製草莓醬梳乎里鬆餅軟綿綿，有好重既蛋香味，配以忌廉同蜜糖脆脆，好食。最後以凍朱古力鮮奶咖啡同凍黑糖焙茶鮮奶作為結尾，食到好飽。下次要食埋個窩夫三文治先。