明暉小廚餐廳

Open Now

Now Closed

今晚同肥妹仔落街食飯!!本身諗住去開果間食既...點知無乜位, 坐得又唔舒服...於是就周圍行下, 咁啱就去左呢間茶餐廳喇!!入到去見到無乜人,初頭都猶豫左陣, 但係見裝修環境都OK!!就入左去叫餸食飯喇!!我地今晚叫左兩個餸:::分別有泰皇醬豬扒!!同呢個西蘭花炒鮮魷!!泰皇醬豬扒非常惹味,有好多洋蔥, 酸酸甜甜, 好好餸飯!!茶記有D咁既質素真係唔錯!!個西蘭花炒鮮魷都OK呢!!不過好似有D煮過火...西蘭花有少少黃, 鮮魷有DD縮水...但味道都OK既!!服務都唔錯, 唔駛出聲都識得自動波拎蝦醬俾客人點!!抵讚!!以下呢個湯都唔錯呢, 蕃茄薯仔煲排骨!!但就細碗左D囉, 不過送算係咁架喇...!!最後有少少野需要彈一彈呢!!就係呢杯凍華田真係好唔掂...完全好似柯華田粉溝水咁...無乜味, 而且有D怪...水吧出品來講真係唔多掂!!希望下次有改進啦!!以街坊茶記黎講都值得再幫趁!!