樂天客棧 (Closed)

是日放工後跟家人黎到奧海城行下街食下飯，見到呢間餐廳的小菜不錯就入內一試。沙律排骨($88)沙律醬酸酸甜甜的，包住炸得香嫩既排骨，排骨外香而肉質十分嫩滑，加上酸酸甜甜的沙律醬，令人胃口大開，酸甜香嫩用黎送飯真係好好既菜色。海鮮皇炒飯($132)海鮮皇炒飯用料十分多，炒飯面都可以見到好多蝦仁同埋小帶子，飯炒得十分乾身，一上菜已經聞到陣陣既飯香，蛋加埋蔥都十分均勻分佈整個炒飯，配合上彈牙既蝦仁同埋小帶子，味道的層次很高。整個炒飯色香味都俱全。天麻藥膳豬肚湯($148)慢火煲出的味道，而且天麻對身體都十分有益，而味道不會太濃中藥的味道。用料十足的靚湯。食物及環境都十分好，值得下次再黎食飯。家庭聚餐的好去處。