潮薈館

Open Now

Now Closed

今晚搵食搵到去九龍城，朋友介紹呢間實力潮州菜食店，看來是家庭形式經營，好好生意，全滿，好彩行快一步，最後嗰張兩個枱我哋攞咗。裝修傳統，有潮州菜館氣氛，所以特別揀傳統菜企。點了四道菜，凍馬友魚最好，很肥，很滑，$178/原條，抵食。酥炸蝦蟹棗共有8粒 $118，外脆內軟。川椒炒雞球該脆的脆，雞肉片大塊，肉質好滑，調味香濃，汁好好味，唔過鹹。最後食砂鍋戲棚粥，裏面好多材料、魷魚、蝦、燒鵝肉、方魚及菜等等，食完飽晒。買單兩個人$640，很合理。