潮薈館

Open Now

Now Closed

早兩日與中女朋友們5人飯局，來了潮薈館，點了梅膏骨、蠔餅、糖醋面、螄蚶、炒四季豆、普寧豆腐、淮山木耳炒西芹等，甜品有反沙芋及清心丸，全部都味道出色，最愛糖醋面，有人又會叫佢做兩面黃，我未去過潮州不知當地既風味如何，但今次飯局，我地都清晒所有餸菜，味道非常適合中女們，人均消費約$300，中餐黎講食得豐富又飽肚，呢個價位已經係不錯既選擇閒日都坐滿6-7成，建議大家預早訂位，係宋皇臺站行8分鐘到大家可參考相片，去試下啦

九龍城除左泰國菜，潮州菜館都有好多，今晚就來試下"潮薈館"，裝修好有風格古色古香，牆身畫左幅好大嘅江南水鄉壁畫，走馬燈吊飾及木製紅色枱櫈，餐具都好別緻，全部都印有山水畫。滷水鵝併盤併盤有滷水鵝，掌翼，紅腸，豆腐，蛋。純粹個人口味，因為這滷水不是我喜歡的這種，比例上咸味會較大相對藥材味有點輕，未夠順喉，但食材質素出色椒鹽白鱔片通常都係蒸鱔片好少會炸，鱔片新鮮，肉質彈牙，外皮炸粉薄，炸得夠乾身，唔油膩，加埋椒鹽調味，食得過癮潮陽梅糕骨梅糕骨份量都多，豬肉肥瘦適中，梅糕醬食落甜甜酸酸，好開胃，口感一流潮滙小炒王小炒王鑊氣夠，材料好豐富，有韮菜花，魷魚，蝦乾，脆魚仔，腰果，炒得好香口，送酒一流鹹檸檬燉鴨湯鴨肉好嫩滑，鹹檸檬好香好清新，鴨肉同鹹檸味道配合得宜，飲落潤喉非常舒服汕頭手打牛丸湯一打嘅手打牛丸爽口彈牙，肉汁牛油滿溢。油重份有點和牛感，牛味亦非常搶鏡，當場真係比驚豔了，但同場有紫菜芹菜適宜地將這油脂感中和及感膩，真是完美的配搭

同老公兩個人滿懷希望一嚐朋友推介呢間餐館，可惜。。1）蠔餅無味😰，似食緊一團粉餅，食唔出有蠔肉，肉眼亦幾乎睇唔到，同筷子「了」都只見零星蠔碎。比一般普通潮州餐館甚至街邊大排檔都差。朋友話平時食啖啖蠔肉，但我地食哂成碟都食唔到有蠔肉。2）滷水拼盤，主菜鵝肉鞋又un ，非常失望，其他豆腐鴨舌正常無特別3）胡椒豬肚湯，唯獨呢款較好，湯得濃郁不知道係師傅水準參差還是材料質素問題，真心不推薦，試一次夠不會回頭

裝修古色古香，可是服務態度認真差。十叫九不應，想叫人加茶甚艱難，由其是一邊收銀，一邊做侍應女職員，簡直不可一世，粗聲粗氣，超有性格，像店舖老闆娘，簡直趕客。潮菜屬我最喜歡的菜式，由其滷水鵝，總算不錯把，滷水味道由內至外迫出，而外面的滷水亦隨熱力滲入鵝內，嫩滑，味道恰當。一行6人Order多款小菜滷水鵝下庒滷水掌翼芋蓉香酥鴨鹹豬骨芥菜煲招牌鹹菜鮮豬肚湯潮陽梅膏骨汕頭蠔仔洛潮州糖醋麵全部水準之作，碟碟大堆頭，未試過咁足料重本之作的鹹菜鮮豬肚湯，用新鮮豬肚煲湯，食落非常鮮味，睇得出廚師精心炮製這款湯，絕對醒胃，價錢超抵。

📍去九龍城多數食泰國菜，碰啱朋友喺新加坡過嚟玩，佢話想食潮州菜，我哋就帶咗佢嚟呢間菜館，仲叫咗好多嘢食。首先必點嘅打冷🧆滷水嘢，今次揀咗鵝片、鵝腸同埋鵝肝。 鵝片好入味好嫩，鵝腸好肥美爽口。 鵝肝🤤味道濃郁仲好滑好甘香。另外要推介普寧炸豆腐，同椒鹽白鱔片Good good！！呢間可以一試呀😋

今天有朋自遠方回來, 要求聚餐要吃久違了的潮州菜, 雖然我月初巳吃過一次, 但美味的食物當然可以Encore.🍭滷水鵝🪿滷水味香濃, 鵝肉鮮嫩, 肥瘦均稱, 碟底嘅豆腐吸飽滷汁, 好快巳被吃清🍭潮州糖醋面倆面都炸成金黃色, 所以又叫兩面黃, 可再蘸醋同砂糖一齊吃, 但我覺得原味更好吃, 是開胃菜, 雖然分類為主食, 但我覺得它是好吃的小食.🍭普寧豆腐雖然用料非常簡單, 只是幾件豆腐, 但要做到外酥內嫩而又唔油膩, 這餐廳的厨師有本事. 🍭芋蓉香酥鴨🪿芋頭同鴨肉是絕配，綿糯的芋頭蓉同鴨肉一齊炸成蜂巢一樣, 酥脆而無油膩感，讚!好食❤️❤️❤️❤️🖤扺食❤️❤️❤️🖤🖤

預早同家人慶祝母親節, 去了友人介紹既福佬村道潮薈館吃晚. 潮薈館裝修不是華麗, 有特色. 但枱偏細, 剛好可八人同枱. 叫了滷水拼盤, 蠔仔洛, 普寧豆腐, 韮菜豬紅,家鄉炒面線, 梅膏骨, 蠔仔粥, 春菜火腩煲.先來滷水拼盤, 料足滷水汁入味, 不太鹹. 蠔仔洛同豆腐炸得脆, 不是好硬𠝹口, 剛剛好. 豆腐仲好嫩. 蠔仔好飽滿, 無沙, 梅膏骨酸酸甜甜, 好開胃, 連吃幾件! 可惜家鄉炒面線太油, 最後放棄清碟. 這菜館偏中價, 適合中型家庭聚會, 但如各人身材偏大或人多, 建議2枱。

三月十二日，星期日同家人晚餐，有老有少，食物普通過普通，絕對唔難食，但係肯定冇食評寫嘅咁。星期日九龍城大部份餐廳都爆，限時交枱，訂位時冇提及，好彩我哋唔坐得耐，唔係失晒預算。叫咗幾個家庭小菜，再加胡椒豬肚湯，完全冇驚喜，好食嘅感覺都冇，只係正正常常。坐2樓，樓底矮，嘈到不得了。服務基本，要叫幾次先加水，一時呢邊上菜時嗰邊上，已經專登留咗位俾佢上菜。平均每人300 ，正常價。嘥晒我食潮州嘢quota肯定唔會有下一次。

裝修幾有中式茶居既味道, 多人坐圓台就會方便啲👍🏽 菜式選擇都幾多, 而且都幾抵食添🤩🥗金沙魚皮($79)新鮮熱辣整好既鹹蛋黃炸魚皮啖啖蛋黃香極邪惡, 送酒一流👍🏽韭菜鵝紅($78)鵝紅食落比豬紅滑身, 一啲羶味都冇好食, 仲有大量韭菜同份量大😙🐟凍大眼雞($188)魚肉好滑身一啲都唔韌配埋大豆醬一齊食正呀, 鐘意食魚春既可以食埋😊生醃師蚶($168)師蚶幾鮮甜肥美, 個汁辣辣地都幾惹味😋🦆滷水三寶($238)嫩滑既鵝片, 超爽脆既鵝腸, 粉嫩軟綿既鵝肝, 食落極有驚喜, 特別係個鵝肝好似食緊豆腐咁🤩滷水掌翼($118)肉質夠腍身勁易離骨, 仲要勁入味啖啖肉超正☺️滷水鵝肉拼($168)紅腸, 鵝肉, 滷豆腐, 望落勁顏色鮮艷好吸引, 整到好入味🥰🍛汕頭蠔仔洛($108)薄薄既蛋漿炸皮包住極多蠔仔, 成個餅整厚身食落蠔味香濃, 暫時係我食過最好食既一個🤤普寧炸豆腐($98)豆腐本物冇咩味道, 同我想像中有啲出入, 比較失望既一道菜🧐家鄉炒麵線($98)豬肉條, 韭菜, 麵線一齊炒幾夠鑊氣, 但係就冇咩特別🙃🍲汕頭手打牛丸湯($168)12粒大大粒爽口彈牙牛味濃既牛丸配上紫茶湯係好正😊[甜

裝潢定餐具，帶點復古風，有格調。✨芋蓉香酥鴨考手工既潮州名菜之一。內層熱辣辣，酥炸鬆化既外層包住幼滑軟綿綿既芋泥混合鴨肉，好甘香。可以選擇點埋有梅子味既秘製甜醬，美味。✨滷水鵝拼盤滷鵝片、豬腩片、紅腸、豆腐同蛋。滷水汁好夠味，唔會鹹。比較喜歡點埋白醋。鵝片啖啖肉，滷豆腐好滑。✨ 凍大眼雞魚肉好滑，唔腥，好少骨。普寧黃豆醬更能帶出鮮味。

超好味正宗潮州菜館！食物選擇好豐富，質素很不錯，性價比好高☺️ 餐廳乾淨企理，晚市時段店舖滿座，好受街坊歡迎！😚 好值得回訪！餐廳裝潢好有心思，牆身佈滿壁畫，讓人感覺置身於古代客棧 金沙蝦球 ($128) 邪惡之選🤤 蝦球大大件，鹹蛋黃起沙 鹹香惹味，香口彈牙，好好食😋啫啫芥蘭煲 ($108)推薦！鹹香味撲鼻😋 十分惹味，醬汁配上白飯一流菠蘿咕嚕肉 ($108)必點菜式，酸甜度適中，大大粒無骨咕嚕肉，加上菠蘿及三色椒😋 配上白飯一流瑤柱蛋白炒飯 ($98)推薦！份量好多，熱騰騰 有鑊氣，啖啖配料，十分足料，好飽肚😍 椒鹽豆腐 ($88)推薦！香口惹味😋 份量多，熱騰騰的軟腍豆腐粒，外皮好脆口🫖免收茶芥及酸菜小食，計加一服務費

凍大眼雞$188 凍大眼雞其實係潮州菜嘅名物！小弟其實唔係好鍾意食魚嘅原因就係好怕佢嘅腥臭味，值得一讚嘅就係呢度處理得非常之好，凍大眼雞肉質結實，用筷子輕輕夾起，點上餐館秘製潮州式醬汁，作為第一道菜，簡直係出色！汕頭蠔仔落$108 蠔仔囉，其實即係蠔餅。不過呢度嘅蠔餅唔會好鹹，感覺有調校過，而且淡淡豪肉，好不滿足家鄉反沙芋$108反沙芋係潮州菜嘅甜品，朋友話而家唔係好多地方有得食，主要嘅原因係因為佢難整首先要將芋頭切條，再用砂糖炒熟，上面沾滿金黃色嘅脆皮，每一啖都係幸福嘅感覺😻椒鹽鮮魷魚$138 小弟都係鍾意食椒鹽鮮魷😹魷魚好香口，上面嘅椒鹽10分邪惡點上喼汁，越食越開胃👽——————為食分界線——————📍 潮薈館 (九龍城)九龍城福佬村道62-64號福聯大樓地下B號舖推介指數 🤰🤰🤰🤰🤰(5/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/5)環境推介 🤰🤰🤰🤰🤰(5/5)人均消費： $200#mariofatfat #hkfoodie #Foodie #為食馬利奧 #hkrestaurant #topcitybiteshk #topcitybites #hongkon

✨九龍城區食肆繁多, 路經這間新開嘅潮州菜館, 門面係金漆招牌非常吸睛, 除地舖外, 還有樓上雅座🏮食店內裝修古典雅緻, 牆身畫咗好大幅嘅水鄉壁畫, 走馬燈款式嘅吊燈, 襯托實木色嘅枱櫈, 配襯咗水墨畫圖案嘅餐具, 滿有古色古香嘅情懷🥰📝餐牌內多款潮式美食及小炒選擇, 價錢合理🫖免收茶芥及酸菜小食, 計加一服務費🌟椒鹽白鱔片 $138粉漿薄貼 , 包著肉質肥美嘅鱔片肉, 外脆內軟, 好香口😋🍖潮陽梅膏骨 $118每嚿肉質軟淋度適中, 有咬口感, 沾滿咗甜甜地話梅味嘅醬汁, 非常醒胃😍🌟古法涼瓜 $118喜歡涼瓜件切得夠大件頭, 烹調得宜, 沒有一般嘅苦澀味之餘, 食落仲帶有回甘香味, 伴碟底嘅五花腩, 充滿肉香唔油膩👍🌟砂鍋戲棚粥 （例牌）$168香茜味嘅粥底內配料豐富, 包含咗蝦仁、墨魚鬚、鵝肉絲、冬菇、萵筍絲及柴魚乾, 份量十足🥰喜歡潮州粥似湯飯嘅口感, 熱粥水夾雜著粒粒飯粒有嚼口感😋

潮州菜新嘗試😎咩嘢係我第一次食？係普寧豆腐呀！本身想點椒鹽豆腐不過話晒食潮州菜 店長即刻介紹有普寧豆腐外層嗰炸粉好脆好輕身超好食本身係比較淡身配埋中間碗蔥鹽水食就即刻吊返個豆腐味出嚟滷水鴨拼盤超巨型嘅拼盤 性價比超高有鴨翼鴨件紅腸豆腐鴨蛋啲鴨肉好入味豆腐就重豆香夠實淨油鹽水浸花甲花甲嘅份量好慷慨 冇沙放心大啖大啖食有好多芹菜胡椒其實個湯都好好飲啲粉絲就吸收晒啲鮮味仲有瑤柱金菇扒菜心個芡汁做到好有鑊氣用嚟撈飯一流 菜心好腍好清甜呢度一共有兩層不過去到八點都已經座無虛席想食就記得訂位啦裝修好有格調原來呢間店之前喺長沙灣嘅搬咗嚟九龍城四個月見有好多熟客特登過嚟幫襯

潮薈館主賣潮州菜，舖面裝飾光鮮整潔。韭菜豬紅 此菜式可以選擇鵝紅或豬紅，豬紅切成正方形的不易散開，豬紅入味爽脆。鹵水鵝片 潮州菜少不了鹵水鵝，鵝片連皮切成一大片的，厚薄適中，十分工整，皮下脂肪不多，肉質略瘦，鵝味到位，不見腥膩。鵝片下面放有豆腐，嫩滑入味。金銀蛋浸時菜此菜材料豐富，皮蛋鹹蛋肉碎炸蒜佈滿菜面，芥蘭斜切，入口爽脆幼嫩。蠔仔砂鍋粥潮州粥不似廣州粥的煮到開米花，反而近似湯飯，飯粒一粒粒完整的。蠔仔份量下得不少，細細粒脹卜卜的。清心丸綠豆爽綠豆爽乃去衣開邊綠豆，清熱降火，入口微甜。潮州芋泥福果芋泥雖然是加上豬油搓成，但入口只覺香滑，甜味適中，不見油膩，略見驚喜。