Ann Mamma Thai kitchen by 張秀玲

Open Now

Now Closed

Ann Mamma Thai kitchen by 張秀玲係一間泰式餐廳，門面裝修好靚，簡約的木系，入面有一條長長梳化，好有家的感覺。泰式燒雞燒雞外皮好香脆，啖啖咬落去都有啲嚼勁，而且燒得啱啱好，唔會太乾亦都唔會太濕。最重要嘅係佢嘅肉質好嫩，每一啖都好多汁，真係好好食。配埋佢哋嘅泰式甜辣醬，味道帶少少辣，同燒雞配一齊食，真係好開胃。黃咖哩雞黃咖哩好香濃，啱啱好，有啲微微辣，但唔會太辣。雞肉都煮得好軟好滑，入口即化。而啲薯仔煮得好冧，同埋咖哩都煮得啱啱好，一齊食落去好有層次感。烤薄餅薄餅好薄好鬆軟，用嚟做包裹燒雞同埋黃咖哩雞都好岩，啲餅皮唔會太硬，而且仲有啲微微炭燒嘅味道，點埋咖哩仲好好食。開心果沙冰沙冰嘅質地好滑好爽口，同時都有啲香濃嘅椰奶味道。啲開心果都好香，令到啲沙冰嘅口感更加豐富。