Video
Read full review
2017-03-08
2374 views
細細個已經聽人講話外國人可以一餐飯食兩三個鐘，好識享受，今晚有朋友帶我地來到一間叫Amina嘅餐廳食西餐，我終於感受到呢一種氣氛，係一個好難忘的體驗。餐廳位於一棟大廈裏邊，門外就看以為係住宅，入內的佈置有一種好溫馨又舒適嘅感覺，而且可能因為我哋四個人，餐廳方面安排左一間房俾我哋，夠安靜，又夠privacy 可以暢所欲言。我哋揀咗個10 course Tasting menu, 有成十道菜！ 未食已經好令人期待。開始之前，負責人推介我哋試吓佢個魚子醬， （其實咁大個女好似真係第一次食）, 一試愛上，第一啖食落去，只是覺得係鹹鹹的，然後咬下去魚子醬汁滲出來，食到佢獨有的鮮味，令人上癮，亦可加上各類的餅食一齊進食。餐上小食 Parma ham輕煎北海道帶子 帶子質感外熟内軟，幾有層次，上邊仲有一層清新嘅椰菜花泡沫，同埋脆卜卜的三文魚子，咬落去覺得又清新又鮮美！美國穀飼牛肉他他簡直係令人感動嘅一道菜，本來我都已經好鍾意食牛肉他他，呢份他他份量都算幾多，而且除咗傳統的洋蔥同其他配料，佢仲加左黑松露入去，選用左美國穀飼牛肉，用靚牛係唔同啲，食落特別香，而且仲加上黑松露獨特的濃郁，旁邊啲伴菜都唔
餐廳位於一棟大廈裏邊，門外就看以為係住宅，入內的佈置有一種好溫馨又舒適嘅感覺，而且可能因為我哋四個人，餐廳方面安排左一間房俾我哋，夠安靜，又夠privacy 可以暢所欲言。我哋揀咗個10 course Tasting menu, 有成十道菜！ 未食已經好令人期待。開始之前，負責人推介我哋試吓佢個魚子醬， （其實咁大個女好似真係第一次食）, 一試愛上，第一啖食落去，只是覺得係鹹鹹的，然後咬下去魚子醬汁滲出來，食到佢獨有的鮮味，令人上癮，亦可加上各類的餅食一齊進食。
餐上小食 Parma ham輕煎北海道帶子
帶子質感外熟内軟，幾有層次，上邊仲有一層清新嘅椰菜花泡沫，同埋脆卜卜的三文魚子，咬落去覺得又清新又鮮美！美國穀飼牛肉他他
簡直係令人感動嘅一道菜，本來我都已經好鍾意食牛肉他他，呢份他他份量都算幾多，而且除咗傳統的洋蔥同其他配料，佢仲加左黑松露入去，選用左美國穀飼牛肉，用靚牛係唔同啲，食落特別香，而且仲加上黑松露獨特的濃郁，旁邊啲伴菜都唔係普通嘢，有幾粒黑醋珠仔，呢個牛肉他他我比一百分！法國野豬肩肉凍
冇想過原來豬肉都可以咁樣食法，豬肩肉blend 咗之後做肉凍，其中仲有啲鵝肝粒，不過完全唔會覺得有肥膩，而且幾rich , 同時亦都可以食旁邊嗰片橙肉中和一下，好特別的一道菜。龍蝦忌廉濃湯
係我飲過最好味嘅龍蝦湯，真係有龍蝦嘅鮮味，好濃滑，而且旁邊仲有啲龍蝦籽，一絲不苟！
香煎法國肝鵝
正，有香溜嘅法國鵝肝食，而且仲煎到個外層少少甘脆，看似好油膩但係旁邊嘅raspberry 係一個好好嘅balance 。檸檬木煙燻阿拉斯加蟹肉
佢哋出場好夢幻，打開個蓋佢的煙瀰漫出來，成間房都有少少果種味。阿拉斯加蟹肉本來好鮮甜，上面有隻温泉蛋都同樣吸收了煙燻的香味，而蟹肉同埋蛋兩者拌拌一起食，係一種味覺的享受，同事食到蟹肉的鮮甜同雞蛋的蛋香，而且蛋汁的滑溜包住細碎的蟹肉，感覺好正。水果雪葩，食完一輪，安排個sorbet清一清味蕾，好細心！
Main course 四選一 我哋因為有四個人，可以四款都揀晒來試吓（香煎澳洲黑盲鰽魚
海膽蘆筍意大利飯
法式春雞
澳洲M9和牛肉眼扒）
海膽蘆筍意大利飯，
特別想講一講呢個飯，海膽本來已經係一種好受人歡迎嘅食材，加拿大海膽大大條又香溜，海膽味很濃，將佢放在煮得幾chewy的意大利飯之上，而且粒粒飯都被忌廉汁包住，同海膽嘅口感好配襯，看似配角嘅蘆筍其實會為呢片濃郁氣氛之中帶來一點清新。自家製海鹽焦糖蛋糕
海鹽同埋焦糖都幾夾喎。雪影
聽個名已經覺得好有詩意，上菜時候見到有一系列精選朱古力，咁精緻嘅形式陳列在一面鏡之上，映著的不止是朱古力，仲有icing sugar, 視覺效果十分之好，我簡直覺得眼前係放陳列左一件藝術品多於一道菜！
飲杯茶都講究啲，攞個木盒子出嚟裏面放滿左各式各樣的茶葉，仲有花茶揀添！整體來說我覺得呢個價錢食到呢一餐其實都算幾抵，地方幾有情調，食物用料上乘，煮得又好食，又精緻，負責人全程都好好招呼 又有耐性。有機會一定會再來幫襯。
Post
