Ciclo

Open Now

Now Closed

星期五約了朋友食晚飯，想搵個靜啲嘅地方傾計，不過銅鑼灣繁華鬧市，似乎比較難，朋友卻在這裏找到一個寧靜舒適餐廳，這餐廳位於Oliv 4樓，我們從𨋢口一打開，就見到燈光昏暗，即刻feel到餐廳營造嘅舒服感，現場有音樂播放，每枱嘅食客都係有講有笑但唔不大聲，輕輕鬆鬆。menu頁數唔多，選擇上較集中。Drunken Crab Pasta蟹肉鋪在墨汁意粉上面，墨汁意粉帶點鹹香，有幾快蒜片放在一起令口感更加和味。Crispy Beef Short Ribswaitress話牛肉係用牛坑腩，聽到都覺得幾特別，因為喺我嘅印象中牛坑腩只會喺粉麵店出現。牛坑腩用紅酒山楂汁再加少少肉桂，配上自家製嘅香草榛子醬，牛肉外皮脆而肉嫩，幾有口感，配菜薯蓉份量都幾多，驟眼睇以為係碟頭飯。整體食物質素不錯，加上環境幾好，著實是可以釋放壓力嘅選擇。