烏蠅館

Open Now

Now Closed

天氣開始潮濕，想食啲辣嘢去吓濕氣，想食啲川菜，我哋之前烏蠅館都係食烤魚多，今次試吓食小菜。肝腰合炒配白飯$68 豬肝同埋豬腰都好新鮮，冇異味，好香辣，配料有啲雲耳，好爽口。魚香肉絲配白飯$58肉絲炒得好惹味，香辣之餘仲帶少少微甜，不是太食得辣嘅朋友都輕易駕馭。呢個小菜很好佐飯。粉絲蝦煲餐配白飯$78呢個粉絲蝦煲係即食烹調，開火，粉絲蝦在沙煲內煮6分鐘，店員就會來幫手打開拌勻即可食用。個粉絲超香，有蒜蓉同辣椒嘅香氣，而且吸入了鮮蝦的鮮味，啲蝦有六隻，大大隻，似乎係海蝦，好鮮味爽口彈牙。雪梨玫瑰檸蜜$13每個小菜都可以加錢配飲品，我哋叫了杯熱雪梨玫瑰檸蜜，大大杯，味道清香，感覺滋潤。薑汁通菜$18小菜可以揀小食或者涼拌菜，揀咗呢個薑汁通菜，通菜好嫩，爽滑。川式蓮藕豬肉紅油水餃$18另外，我哋加配咗呢個小食，呢個紅油水餃味道非常刺激，好麻辣，水餃餡料滿滿，蓮藕粒配豬肉好爽口。桂花豆花$10 最後我哋食埋甜品，食完啲辣嘢食個凍桂花豆腐花，感覺好舒服，桂花好香，個豆腐花超滑。