Video
Read full review
2022-03-25
1121 views
將軍澳海濱公園沿海一帶有好多餐廳，行開附近散步順便食個飯。呢間裝潢偏歐陸設計嘅多國菜餐廳，空間好寬敞，分左室內同戶外坐位，店內仲有個好別緻嘅開放式酒吧枱，牆上亦掛左好多油畫裝飾，人流唔算多，可以靜靜地望住個海，吹下海風，傾下計，感覺好舒服好寫意🌊食物款式好多樣化，包括沙律、意大利粉、意式燴飯、披蕯、烤肉、牛排、串燒、炸雞、漢堡、三文治、炒麵炒飯同甜品等，飲品方面亦有多款酒精同非酒精飲品選擇。整體份量適中，味道唔錯，由於位於海傍一帶，所以價錢上都預咗唔會平，偏中上，不過勝在環境好加分，所以都算合理同值得一試_➤雜錦海鮮燴飯 Mixed seafood & parmasen risotto🦑🦐🍛$160賣相唔錯，初初望落以為份量唔多，但個碗其實都幾深下，兩個人share食份量岩岩好。米飯濕度同軟硬度適中，粒粒分明，食落濕潤煙靭有咬口。蕃茄醬汁濃稠，酸酸甜甜咁好開胃，完全唔覺得膩，而且應該係用新鮮蕃茄煮，陣味唔似茄膏，仲食到幾重嘅海鮮味，味道幾岩我地口味。不過配料比例偏少，有蝦、魷魚同鋪咗三隻青口，再喺面頭灑左少少芝士粉➤墨西哥鐵板烤肉(雞肉) Fajitas(chicken)🐔🌮$160除
食物款式好多樣化，包括沙律、意大利粉、意式燴飯、披蕯、烤肉、牛排、串燒、炸雞、漢堡、三文治、炒麵炒飯同甜品等，飲品方面亦有多款酒精同非酒精飲品選擇。整體份量適中，味道唔錯，由於位於海傍一帶，所以價錢上都預咗唔會平，偏中上，不過勝在環境好加分，所以都算合理同值得一試
_
➤雜錦海鮮燴飯 Mixed seafood & parmasen risotto🦑🦐🍛$160
賣相唔錯，初初望落以為份量唔多，但個碗其實都幾深下，兩個人share食份量岩岩好。米飯濕度同軟硬度適中，粒粒分明，食落濕潤煙靭有咬口。蕃茄醬汁濃稠，酸酸甜甜咁好開胃，完全唔覺得膩，而且應該係用新鮮蕃茄煮，陣味唔似茄膏，仲食到幾重嘅海鮮味，味道幾岩我地口味。不過配料比例偏少，有蝦、魷魚同鋪咗三隻青口，再喺面頭灑左少少芝士粉
雜錦海鮮燴飯
$160
20 views
0 likes
0 comments
16 views
0 likes
0 comments
➤墨西哥鐵板烤肉(雞肉) Fajitas(chicken)🐔🌮$160
除咗雞肉，仲有牛肉、提卡咖喱雞同素菜等其他選擇。即叫即烤，上碟個陣鐵盤仲滋滋聲響，熱辣辣冒住煙，好香烤肉味。雞肉切成一條條，份量頗多，本身以為都係普通烤雞肉，點知食落比想像中好味，有驚喜！好滑嫩多汁，一啲都唔韌同乾。除咗雞肉本身嘅調味，另外再帶少少焦香，配搭埋燒烤醬，好惹味。就咁單食都好好味，另外亦可以用鬆軟煙韌嘅粟米餅卷夾住烤好嘅雞肉條同底下嘅配菜洋蔥、燈籠椒，再按個人口味搽上墨西哥式嘅沾醬 - 微酸清爽嘅酸奶油，酸甜偏辣嘅莎莎醬同creamy嘅牛油果蓉，包完一啖咬落去，口感同味道都非常豐富，又有飽足感，幾推介
墨西哥鐵板烤肉(雞肉)
$160
24 views
0 likes
0 comments
➤草莓奶昔 Strawberry milkshake🍓🥛$58
偏甜，士多啤梨味唔夠濃，陣味少少假，唔似新鮮士多啤梨，而且比較稀身，幾容易化成水，普通
➤藍莓沙冰 Blueberry silky smoothies🫐🥛$58
偏酸唔係好甜，藍莓味偏淡，乳酪味幾出，感覺似飲緊藍莓益力多，都幾fresh，質感都算幼細順滑，望到一點點嘅藍莓渣
草莓奶昔$58 / 藍莓沙冰$58
16 views
0 likes
0 comments
_
🍽味道指數:★★★★☆
📷環境指數:★★★★☆
🛎服務指數:★★★☆☆
💰抵食指數:★★★☆☆
😋推薦指數:★★★☆☆
📍Bacaba
將軍澳唐賢街29號藍塘傲地下9號舖
Post
