和記海鮮飯店 (Closed)

今年做冬貼地d，同屋企人去平民飯堂和記。「和記」大大話話在佐敦屹立超過三十多年，無論家常菜或燒味，碟頭大之餘，色鲜、味濃、夠鑊氣。(雖然部份吃後有口喝)燒味尤其做得出色，佢做嘅燒味出名奄尖，聞説醃肉燒烤尊循古法(真偽不得而知) 但我最欣赏佢捨得用料，叉燒為例，太肥太瘦部分，大刀闊斧裁走，叉燒叉燒出嚟亮澤濃香，脂油間有股醃料香，肉邊微微燒焦，肉質纖维保持軟嫩，永無失手。金牌燒鵝皮脆肉嫩，一入口鵝皮油潤甘香，配合酸梅醬畫龍點精，味道更出色。椒鹽鮮魷外層薄脆，鮮魷夾集蒜香、椒鹽味道，惹味到極，送啤酒一流。薑酒煮雞雖然用上冰鮮雞，但薑、酒辛辣味巳完全逼入蝦中，夠濃香，足以彌補食材不足，而且暖胃又滋補，冬天食適合不過。结論：要食装修食排場唔好嚟呢度，和記食佢味道外，更食一份懷舊，必試燒鵝，件件脆皮，有鵝油光澤，就算放置一陣都仍至軟腍，咬落仍然脆皮酥化不韌，其他小菜亦出色，唯吃後有d口喝。