Video
Read full review
2018-06-08
270 views
提起佐敦，好多時即時只會諗起彌敦道以西，可能廟街呀、或者官涌o個邊d 食肆。相比之下，德興街，雖然只係彌敦道向東轉一條街，就已經好似即刻靜好多咁。但係呢一片寧靜，加上一d 選址o係度o既西餐廳，反而令我覺得呢短短o既一條街，帶點港島半山o既風格。入到o黎e 間restaurant bar，感受到一股濃厚o既工業氣息，有住粗獷o既水泥牆身，配上玻璃同黑色鐵框，仲有d 鐵水管元素o既燈飾設計。一面有四人座，中間有張長型bar 檯，零散有d 高身o既二人圓檯，近門口o個邊仲間o左間party room，無論你係情侶二人撐下檯腳，定一大班人放工想飲兩杯，相信都會係個幾唔錯o既選擇。點上o左個晚餐之後，最先送上o既，係一碗椰菜忌廉湯。椰菜o既比例頗高，有種淡而青新o既味道。佢o既忌廉應該係打o左好耐滲入o左好多空氣，令到個湯充滿起泡感。法式蒜蓉包雖然只係小小o既一塊，但非常之香。天使虎蝦香辣蒜片墨魚麵($208 未加一) o係我叫o既時候，侍應特別提醒呢個會比較辣，但係可以安排減辣，十分貼心。麵底係幼身較硬o既質地，除o左墨魚味之外，仲有少許蕃茄o既酸味，提升o左個麵o既層次。因為減o左辣椒，而
入到o黎e 間restaurant bar，感受到一股濃厚o既工業氣息，有住粗獷o既水泥牆身，配上玻璃同黑色鐵框，仲有d 鐵水管元素o既燈飾設計。一面有四人座，中間有張長型bar 檯，零散有d 高身o既二人圓檯，近門口o個邊仲間o左間party room，無論你係情侶二人撐下檯腳，定一大班人放工想飲兩杯，相信都會係個幾唔錯o既選擇。
點上o左個晚餐之後，最先送上o既，係一碗椰菜忌廉湯。椰菜o既比例頗高，有種淡而青新o既味道。佢o既忌廉應該係打o左好耐滲入o左好多空氣，令到個湯充滿起泡感。法式蒜蓉包雖然只係小小o既一塊，但非常之香。
天使虎蝦香辣蒜片墨魚麵($208 未加一) o係我叫o既時候，侍應特別提醒呢個會比較辣，但係可以安排減辣，十分貼心。麵底係幼身較硬o既質地，除o左墨魚味之外，仲有少許蕃茄o既酸味，提升o左個麵o既層次。因為減o左辣椒，而家對我o黎講則o岩o岩好，少少辣始終都係開胃d。
天使虎蝦香辣蒜片墨魚麵
20 views
0 likes
0 comments
兩隻大蝦，o岩o岩上檯o個陣仲略帶鑊氣，蝦身煎到泛起一面油光，口感算幾扎實。因為o係挑腸o既過程剪開o左個殼，令到香蒜味更能滲到蝦肉裡頭，味道更覺濃郁。
餐飲點o左杯凍奶茶(凍飲加$3)，奶落得唔係好夠，略嫌較澀。其實呢間餐廳sell 緊波士頓龍蝦係主打菜式，有機會一定要再o黎試多次。
Post
