Video
Read full review
2023-07-11
476 views
車仔麵又名為嗱喳麵，最有印象就係周星馳係《食神》評火雞姐碗車仔麵的評價﹕「好好地一粒咖喱魚蛋，既無魚味又無咖喱味，失敗！蘿蔔無揀過，太多渣，失敗！豬皮煮得太淋，無彈性，失敗！豬紅一夾就散，失敗中的失敗！」雖然只係一碗下價港式粉麵，但近呢十年車仔麵越做越認真。有唔少朋友見我評緊米線，幾時輪到車仔麵。盛情難卻之下，不如我就「嗱嗱喳喳」咁評下坊間比較出名的車仔麵店。評車仔麵其實主要分三部份，第一係湯底，第二係餸菜配料，而最後就係有無創意特色。第一間要評就係係灣仔都幾受打工仔歡迎的十兄弟車仔麵。<湯底>碗麵黎到已經覺得唔係好對路，湯底色水好淺色，仲要填加多腩汁，另外呢度話自己辣椒醬出名，亦填左加中辣，不過只係俾左一啖辣椒醬係匙羹，放完湯到基本上感受唔到咩辣度。湯底飲落去飲唔到腩汁的味道，只係相對普通的湯頭，唔算濃郁又唔夠清甜。<餸菜配料>呢方面的選擇都幾多，係文字描述上面都幾有特色，於是今次叫左呢度出名的豬軟骨、香辣玻璃魷魚、五香金錢肚、牛坑腩同埋陳皮魚蛋。呢度每款配料大約$12至$17蚊，屬於偏中上價格，所以我要求應該會更加高。香辣玻璃魷魚 - 基本上係無香辣
評車仔麵其實主要分三部份，第一係湯底，第二係餸菜配料，而最後就係有無創意特色。第一間要評就係係灣仔都幾受打工仔歡迎的十兄弟車仔麵。
<湯底>
碗麵黎到已經覺得唔係好對路，湯底色水好淺色，仲要填加多腩汁，另外呢度話自己辣椒醬出名，亦填左加中辣，不過只係俾左一啖辣椒醬係匙羹，放完湯到基本上感受唔到咩辣度。湯底飲落去飲唔到腩汁的味道，只係相對普通的湯頭，唔算濃郁又唔夠清甜。
<餸菜配料>
呢方面的選擇都幾多，係文字描述上面都幾有特色，於是今次叫左呢度出名的豬軟骨、香辣玻璃魷魚、五香金錢肚、牛坑腩同埋陳皮魚蛋。呢度每款配料大約$12至$17蚊，屬於偏中上價格，所以我要求應該會更加高。
香辣玻璃魷魚 - 基本上係無香辣味，所以魷魚好似無調過味咁，仲顯路出些少腥味，唯獨質感算彈牙。
豬軟骨 - 只係將一舊斬成2舊仲要碎上，而豬軟骨一D都唔軟，又唔夠入味，證明紋得唔夠時間
陳皮魚蛋同五香金錢肚 - 夠味，不過略嫌過鹹
牛坑腩 - 肉質唔錯，望紋路真係牛坑腩，而味道亦都岩岩好，唯一可揀的餸
<創意特色>
如果只係睇Menu，係餸菜名字上其實算有創意，例如有鮑魚、麻辣蓮藕、泰式炸豬皮等。不過基本功都未做得好之下，幾有創意都無用。
整體黎講，呢間都算係近年食過的車仔麵當中都叫幾伏，希望佢地唔好以為嗱喳麵就真係可以嗱嗱喳喳蒙混過骨，難怪假日都唔算太多人幫襯。
Post
